सत्तारुढ दलको बिद्यार्थी संगठनले अभिभावकहरुलाई भन्यो शुल्क नबुझाउनु

काठमाडौं । निजी बिद्यालयले लकडाउनको समेत शुल्क असुल्ने गरी जारी गरेको बिज्ञप्तीको चौतर्फी आलोचना बढिरहेको छ । लकडाउनले समस्यामा परेका अभिभावकलाई शुल्क बुझाउन ताकेता गरेपछि उनीहरु तनावमा परेका बेला सत्तारुढ नेकपा विद्यार्थी संगठन अनेरास्ववियूले लकडाउन अवधिको कुनै पनि शुल्क नलिन निजी विद्यालयलाई चेतावनी दिएको छ । निजी विद्यालयको प्रतिनिधिमूलक संस्था प्याब्सन र एनप्याब्सनले अभिभावकलाई शुल्क तिर्न आह्वान गरेको भोलिपल्ट अनेरास्ववियूले निजी विद्यालयको उक्त निर्णयको विरोध गर्दै शुल्क नलिन चेतावनी दिएको हो ।

बिद्यार्थी संगठनले कोरोना कहरका कारण लकडाउनले गर्दा आम विद्यार्थी र अभिभावकहरु चौतर्फी रुपमा आक्रान्त भएका बेला हठात शुल्क उठाउने निजी विद्यालय सञ्चालकहरुको आह्वानको हामी घोरनिन्दा र भत्सना गरिएको संयोजक ऐन महर र सहसंयोजक रञ्जित तामाङले जारी गरेको बिज्ञप्तीमा उल्लेख गरिएको छ ।

प्याब्सन र एन प्याब्सनले आइतबार अभिभावकलाई विद्यार्थीको भर्ना अभिलेख अद्यावधिक गर्न, २०७६ को बाँकी बक्यौता सम्भव भएसम्म चुक्ता गर्न र २०७७ सालको विद्यालयमा बुझाउनुपर्ने शुल्क भुक्तानी गर्न अपिल गरेको थियो । कोरोनाको त्रास र अभिभावकको विकराल अवस्था र विद्यार्थीहरुको तनावपूर्ण मनोविज्ञानलाई पूर्ण रुपमा उपेक्षा गरी विद्यालय बन्द रहेको बेला जारी गरिएको अपिललाई शुल्क नबुझाउन अनेरास्ववियूले अभिभावकहरुलाई आग्रह गरेको छ ।

थप समाचार

सबैलाई निर्वाचनमा भाग लिने वातावरण बनाउन सरकारले आवश्यक कदम चालोस्ः…

सौराहामा रास्वपाको विस्तारित बैठक शुरु (तस्बिरसहित)

बाबुराम भट्टराईको छलफलमाः जनार्दन शर्मादेखि डिपी अर्यालसम्म

सुधनले मागे गृहमन्त्रीको राजीनामा, जेन–जीको माग पूरा नभए चुनाव हुन…

गृहमन्त्री अर्यालद्वारा पूर्वराष्ट्रपति भण्डारीसँग भेटवार्ताः आन्दोलनमा जलेको घरको निरीक्षण

समाजवादीसँगको एकता ऐतिहासिक र असाधारणः संयोजक दाहाल