प्रमुख समाचारराजनीतिसमाचार

सांसदलाई कोरोना परिक्षण गरेर मात्रै संसद भवनमा प्रबेश

0

काठमाडौं २३ बैशाख । संघीय संसदका सांसदलाई कोरोना भाइरस परिक्षण गरेर मात्रै बैठकमा सहभागि गराइने भएको छ । मंगलबार संघिय संसदभवनमा बसेको कार्यब्यवस्था परामर्श समितिको बैठकमा यस्तो निर्णय गरिएको हो । बैठकमा बैशाख २६ गते बोलाइएको बजेट अधिबेशनमा संघीय संसदका सबै सदस्यहरु र कर्मचारीहरुको पि सि आर विधिबाट कोरोना परिक्षण गर्ने निर्णय भएको बताइएको छ । त्यस्तै, संघीय संसदको सभाहलहरु, कक्षहरु, भवन र परिसरलाई स्यानीटाईज गरिने छ । विश्व स्वास्थ्य संगठनले तोकेका सवै मापदण्डलाई पालना गर्दै दुरी कायम गरेर बैठक सञ्चालन गर्ने पनि बैठकमा सहमति भएको छ । संघीय संसद भवनमा कोरोना संक्रमण हुन नदिन सबै पुर्व तयारी गर्ने, संघीय संसद भवनको सरसफाईमा विशेष ध्यान दिनुपर्नेमा कार्यब्यवस्था तथा परामर्श समितिमा छलफल भएको थियो । बैशाख २६ गते दुबै बजेट अधिबेशन अन्र्तगत संघीय संसदको संयुक्त बैठक बस्दैछ । केहीदिन अघि प्रधानमन्त्री केपी शर्मा ओलीले पनि संघीय संसद भवनको अवलोकण गरेका थिए ।

७ देखि १० दिन लकडाउन थप्न सिफारिस

Previous article

लकडाउन थप्न मन्त्रिपरिषद बैठक बस्दै

Next article

You may also like