प्रमुख समाचारराजनीतिसमाचार

भुकम्पमा जस्तै एकढिक्का भई कारोनोबिरुद्ध लडौंः प्रधानमन्त्री ओली

0

काठमाडौं १२ बैशाख । प्रधानमन्त्री केपी शर्मा ओलीले कोरोना भाइरस विरुद्धको लडाइमा एकताबद्ध हुन सबैमा आग्रह गरेका छन् । प्रधानमन्त्री ओलीद्वारा भूकम्प स्मृति दिवसका अवसरमा जारी सन्देशमा भूकम्पपछिको राहत, उद्धार, पुनःनिर्माणको काममा अघि बढेझै सबै नेपालीको जीवन रक्षाका लागि कोरोना बिरुद्धको लडाईमा एकताबद्ध हुन आग्रह गरेका हुन् । उनले विषम परिस्थितिका बीच अनेकन दुःखकष्ट भोग्दै कोरोना रोकथाम तथा नियन्त्रणको अभियानमा जुटन आह्वान गरे । प्रधानमन्त्रीको सन्देशमा सदृश्य भग्नावशेष निर्माण गर्न जति गाह्रो हुन्छ, अदृश्य शत्रुसँग लड्ने कार्य त्यसभन्दा धेरै जटिल हुँदो रहेछ भन्ने बुझेको उल्लेख गरेका छन् ।

उनले यतिबेला विश्वका विभिन्न देशजस्तै हामी पनि अर्को विश्वव्यापी महाविपद् कोरोना भाइरसको महामारीविरुद्धको लडाइमा रहेको बताउदै विगत एक महिनादेखि सिङ्गो देश लकडाउनमा रहन बाध्य भएको बताए । लकडाउनका कारण पुनःनिर्माण तथा पुनस्र्थापनाका कार्यमा गम्भीर असर परेको जानकारी गराउँदै कोरोना भाइरस विरुद्धको लडाइमा हामी विनाशकारी भूकम्पपछि सिर्जित विपत्तिमा जस्तै संयम र साहसका साथ सामना गरेर अघि बढ्न सक्षम हुने बिश्वास ब्यक्त गरेका छन् ।

आज विनाशकारी महाभूकम्पको पाँचौ स्मृति दिवस, पुनर्निर्माणको काम अझै बाँकी

Previous article

लकडाउनको ३२ औंं दिन

Next article

You may also like