देश/दुनियाँराजनीतिसमाचार

थपियो मे ३ सम्म भारतमा लकडाउन

0

काठमाडौं २ बैशाख । भारतमा मे ३ तारिकसम्म लकडाउन थपिएको छ । प्रधानमन्त्री नरेन्द्र मोदीले मंगलबार बिहान राष्ट्रका नाममा सम्बोधन गरी जारी लकडाउन थप दुई हप्ता भन्दा बढी समय बढाउने घोषणा गरेका हुन् । कोरोना भाइरसको संक्रमण फैलिन नदिनका लागि लागु भएको तीन हप्ते लकडाउनको अन्तिम दिन मंगलबार राष्ट्रका नाममा सम्बोधन गर्दै मोदीले घोषणा गरेका हुन् ।मोदीले लकडाउन अवधिमा जनताले गरेको त्यागको सम्मान पनि गरेका छन्। उनले पाको उमेरका व्यक्तिको विशेष ख्याल गर्न, सामाजिक दूरी पूर्ण रुपमा पालना गर्न, प्रतिरोधात्मक क्षमता बढाउनका लागि स्वास्थ्य मन्त्रालयको निर्देशन पालना गर्न, संक्रमणबाट जोगिनका लागि यस सम्बन्धी जानकारी दिने मोबाइल एप्लिकेशन डाउनलोड गर्न तथा गरिब परिवारलाई खानपानको व्यवस्थामा सहयोग गर्न अपिल गरेका छन् । भारतमा अहिलेसम्म १० हजार भन्दा बढीमा कोरोना भाइरसको संक्रमण पुष्टि भएको छ । ३ सय ३९ जनाको कोभिड–१९ बाट निधन भएको छ ।

एनआरएनए अष्ट्रेलियाका पदाधिकारीको अपमानबिरुद्ध एन्जाले निकाल्यो बिज्ञप्ती, सच्चिन चेतावनी

Previous article

नेपालमा कसरी भित्रियो कोरोना भाइरस, पुग्यो संक्रमितको संख्या १६

Next article

You may also like