प्रमुख समाचारराजनीतिसमाचार

कांग्रेसले बोलायो पदाधिकारी बैठक 

0
काठमाडौं १३ कार्तिक । नेपाली कांग्रसले आगामी मङ्सिर १४ गते हुने उपनिर्वाचनकालागि पार्टीतर्फबाट नाम टुंगो लगाउने पार्टीको पदाधिकारी बैठक बोलाएको छ । पार्टी सभापति शेरबहादुर देउवाले आफ्नो निवास बुढानिलकण्ठमा बिहिबार बिहान पदाधिकारी बैठक बोलाएका हुन् । जिल्ला, प्रदेशसभा निर्वाचन क्षेत्र र स्थानीय तहबाट पार्टीका सम्बन्धित निकायले सिफारिस गरी पठाएका नामावलीमाथि छलफल गरी नाम टुङ्गो लगाउन पदाधिकारी तहमा छलफल गर्न बैठक बोलाएको सह–महामन्त्री डाक्टर प्रकाशशरण महतले जानकारी दिए । बैठकमा समसायिक राजनीति, उपनिर्वाचनमा पार्टीको तयारी, पार्टीका केन्द्रीय विभाग गठनलगायत विषयमा समेत छलफल हुने नेता महतले बताए । पदाधिकारी बैठकमा सहमति भए यही कात्तिक १५ गते दिउँसो १ बजे केन्द्रीय कार्यसमितिको बैठक बसेर टुंगो लगाउने तयारी गदै केन्द्रिय समितिको बैठक बोलाएको छ । आन्तरिक विवादमा रुमलिएको कांग्रेस उपनिर्वाचनमा एकढिक्का भएर होमिने योजनामा लागेको छ । यसअघि कात्तिक ७ गते बोलाइएको केन्द्रीय कार्यसमितिको बैठक बस्दै नबसी स्थगित भएको थियो । ३७ जिल्लाका विभिन्न रिक्त पदमध्ये प्रतिनिधिसभा सदस्य एक, प्रदेशसभा सदस्य तीन तथा स्थानीय तहका प्रमुख एक, अध्यक्ष तीन, उपाध्यक्ष एक र वडाध्यक्ष ४३ गरी जम्मा ५२ पदका लागि उपनिर्वाचन हुँदैछ ।

क्रिकेटको कप्तानमा ज्ञानेन्द्र मल्ल

Previous article

प्रधानमन्त्री ओलीको दोस्रो पटक मृगौलाको डायलाइसिस गर्ने तयारी

Next article

You may also like