By 
नेपाली कांग्रेस केन्द्रीय समितिको बैठक बिहिबार बस्दैछ । बाढी र डुवानको समस्याका कारण स्थगित बैठक पार्टी कार्यालय सानेपा ललितपुरमा बस्न लागेको हो । बैठकमा नियमावलीमा सहमति जुटाउन प्रयास हुने नेताहरुले बताएका छन् । पार्टीको नीति र सिद्धान्तमा समेत छलफल गर्न नपाइने व्यवस्था नियमावलीमा भएको भन्दै कांग्रेस नेताहरुले असन्तुष्टि जनाउदै आएका छन् । अनुशासन र आचारसंहिता लगायतका विषयमा पनि विवाद छ । नियमावलीमा सहमति जुटाउनका लागि बुधबार पार्टी सभापति शेरबहादुर देउवा लगायतका नेताले छलफल गरेपनि सहमति जुट्न सकेको छैन । कांग्रेस बैठकमा १४ औं महाधिवेशनको कार्यतालिका निर्माण गरी प्रक्रिया अगाडि बढाउने विषयमाथि छलफल हुने बताइएको छ ।
