प्रचण्ड पनि सरकारले ल्याएको मिडिया काउन्सिल विधेयकको पक्षमा

काठमाडौं १३ जेठ । नेपाल कम्युनिष्ट पार्टी नेकपाका अध्यक्ष पुष्पकमल दाहाल प्रचण्ड पनि चौतर्फी आलोचना खेपिरहेको मिडिया काउन्सिल विधेयकको पक्षमा उभिएका छन् । प्रत्यक्ष समर्थन नगरे पनि अराजकता र प्रेस स्वतन्त्रता फरक–फरक बहस भइरहेका बेला प्रचण्ड सरकारले ल्याएको विधेयकको बचाउमा लागेका हुन् । १७ औँ कृष्ण सेन स्मृति दिवस समारोहमा प्रचण्डले प्रेस जगतमा अराजकता रहेको र त्यसलाई नियन्त्रण गर्न आवश्यक रहेको दाबी गरे । कार्यक्रममा उपस्थित सञ्चार मन्त्री तथा विधेयकका कठोर पक्षधर गोकुल बाँस्कोटाले जस्तैविधेयकको पक्षमा प्रचण्डले पहिलोपल्ट अभिब्यक्ती दिएका हुन् ।