प्रमुख समाचारराजनीति

किन गर्न लाग्यो काँग्रेसले राष्ट्रिय जागरण अभियान

0

काठमाडौं ३ बैशाख । प्रमुख प्रतिपक्ष दल नेपाली काँग्रेसले बैशाख ११ बाट राष्ट्रिय जागरण अभियान चलाउने भएको छ । काँग्रेसले मंगलबार सानेपास्थित पार्टी केन्द्रीय कार्यालयमा पत्रकार सम्मेलन गर्दे बैशाख ११ गतेबाट राष्ट्रिय जागरण अभियान सञ्चालन गर्ने जानकारी दिइएको हो । सरकारले संघीयताको मर्म अनुसार काम गर्न नसकेको कुरा आम जनतालाई जानकारी दिन राष्ट्रिय जागरण अभियान सञ्चालन गर्न लागिएको कांग्रेसले जनाएको छ । तीन चरणमा सञ्चालन हुने राष्ट्रिय जागरण अभियान अन्तरगत पहिलो चरणको एक महिने कार्यक्रम ७७ जिल्लामा सञ्चालन हुनेछ । त्यस्तै, दोस्रो चरणमा भदौं २३ देखि असोज ७ गतेसम्म ३ सय ३० वटै निर्वाचन क्षेत्रमा सञ्चालन गरिनेछ । तेस्रो चरणमा पुसको दोस्रो साता सबै पालिकामा हुने पनि उपसभापति बिमलेन्द्र निधिले बताए । वर्तमान सरकारले मुलुकलाई समृद्ध बनाउन नसक्ने कुरा पनि आम पार्टी पंक्ति र जनतालाई सूसुचित गराउन सो राष्ट्रिय जागरण अभियान संचालन गर्नु परेको पनि उपसभापति निधिले दाबी गरे । काँग्रेसले सो अभियानलाई प्रभावकारी बनाउन विघटित नेपाल विद्यार्थी संघलाई ब्यूँताउने तथा तरण दलको तदर्थ समितिलाई पूर्णता दिने पनि जनाएको छ । काँग्रेसले कम्युनिष्ट नेतृत्वको वर्तमान सरकारले मुलुकलाई अघि बढाउन नसकेको आरोप लगाएको छ ।

कर्मचारी भर्ना नगर्न प्रदेश दुई सरकारको लोकसेवा आयोगलाई पत्र

Previous article

सरकारको चट्याङ र हावाहुरीबाट तीन दिनसम्‍म सतर्क रहन अपिल

Next article

You may also like