आइपुग्यो चीनले दिएको ८ लाख डोज कोरोना विरुद्धको खोप नेपाल

काठमाडौं । चीनले अनुदानमा दिएको ८ लाख डोज कोरोना भाइरसविरूद्धको खोप नेपाल आइपुगेको छ । खोप लिन गएको नेपाल वायुसेवा निगमको वाइडबडी ३३० जहाज बिहान ९ बजे त्रिभुवन अन्तर्राष्ट्रिय विमानस्थलमा अवतरण गरेको हो । उक्त जहाजमा कोभिड–१९ को खोपबाहेक अरू अत्यावश्यक सामग्री पनि ल्याइएको छ ।

चैत १ गतेको मन्त्रिपरिषद्को बैठकले मित्रराष्ट्र चीनबाट प्रदान गरिने कोभिड–१९ विरुद्धको खोप ‘भेरासेल’ लगायत सहायता सामग्री स्वीकार गर्ने निर्णय गरेको थियो। चीनको सिनोभ्याक बायोटेकले उत्पादन गरेको यो खोपलाई २ देखि ८ डिग्री सेल्सियसमा भण्डारण गर्नुपर्नेछ । यो खोप पनि दुई मात्रा लगाउनुपर्नेछ ।

विभिन्न परीक्षणहरूमा चिनियाँ खोप नेपालले हाल प्रयोग गर्दै आएको कोभिसिल्ड खोपभन्दा बढी प्रभावकारी देखिएको अधिकारीहरुले दाबी गरेका छन् । केही दिनमा खोप लगाउन सुरु गरिेने बताइएको छ ।