देश/दुनियाँप्रमुख समाचारब्रेकिंग न्युजराजनीतिसमाचार

आज पुनर्स्थापित प्रतिनिधिसभाको पहिलो बैठक, कार्यसूचीमा ७ अध्यादेश र १४ शोक प्रस्ताव

0

काठमाडौं । सर्वोच्च अदालतको आदेशबाट पुनर्स्थापित भएको प्रतिनिधिसभाको पहिलो बैठक अपरान्ह ४ बजे बस्दैछ। प्रतिनिधिसभाको यो सातौं अधिवेशन हो। पुस ५ गते नेकपाको विवादले उग्ररुप लिएपछि प्रधानमन्त्री केपी शर्मा ओलीले प्रतिनिधि सभा भंग गराएका थिए । तर, सर्बोच्च अदालतले बदर गरिदिएपछि बैठक आज बस्न लागेको हो ।

यतिबेला पनि नेकपा विवाद साम्य भएको छैन् । त्यसैले यो अधिवेशनलाई निकै चासोका साथ हेरिएको छ। अधिवेशन सुरु हुनुअघि नेकपाका दुवै पक्षले आ–आफ्ना संसदीय दलका नेता र प्रमुख सचेतक घोषणा गरिसकेका छन्।
यस्तो छ आजको बैठकको कार्यसूची
संसद् सचिवालयले आजको बैठकका लागि सम्भावित कार्यसूची सार्वजनिक गरेको छ।जसअनुसार यसअघिका अधिवेशनजस्तै बैठकमा राष्ट्रपति कार्यालयबाट प्राप्त अधिवेशन आह्वान सम्बन्धी पत्र वाचन गरिनेछ।

त्यसैगरी मन्त्रिपरिषद् गठनसम्बन्धी पत्रहरुको व्यहोरा पनि सभामुखले सुनाउनेछन्। बैठकमा सात वटा अध्यादेश पनि प्रस्तुत गर्ने कार्यसूची छ। पहिलो बैठकमा पेश गर्ने शोक प्रस्ताव नै १४ वटा छन्। यो कार्यसूचीलाई कार्यव्यवस्था परामर्श समितिको बैठकले अन्तिम रुप दिनेछ।

दुई बर्षपछि सार्वजनिक भए बिप्लव, न बुझाए हतियार न त दिए विवरण

Previous article

प्रधानमन्त्री ओलीले लगाए कोरोना बिरुद्धको खोप,६५ बर्षमाथिकालाई खोप लगाउने अभियान सुरु

Next article

You may also like