संसद बैठक बोलाउने निष्कर्षमा पुग्दा ओलीले हटाए संसदीय दलको प्रमुख सचेतकबाट गुरुङलाई

काठमाडौं । नेकपा ओली समूहले संसदीय दलको प्रमुख सचेतकबाट देवप्रसाद गुरुङलाई हटाएको छ । संसदीय दलका नेता केपी शर्मा ओलीले गुरुङलाई हटाएर विशाल भट्टराईलाई प्रमुख सचेतकको जिम्मेवारी दिएका छन् । गुरुङ, प्रचण्ड–माधव समूहमा छन। संसद विघटन गर्नुअघि पनि ओलीले गुरुङको राजीनामा माग्दै आएका थिए ।

सर्वोच्च अदालतको फैसलाले संसद पुनर्स्थापना भएपछि नेकपाको विवाद संसदमा सरेको छ र, त्यही क्रममा ओलीले गुरुङलाई हटाएका हुन् । नेकपाको प्रचण्ड–माधव समूहले भने यसअघि नै ओलीलाई संसदीय दलको नेताबाट हटाइसकेको थियो । जसमा पुष्पकमल दाहाल प्रचण्डलाई संसदीय दलको नेता चयन पनि गरेको थियो ।

सर्वोच्च अदालतबाट निर्णायक राजनीतिक पराजय भोगेका प्रधानमन्त्री ओलीले नेपाल कम्युनिष्ट पार्टीको प्रतिद्वन्द्वी समूहसँग थप भिडन्तमा जाने संकेत दिएका छन् । गुरुङले भने ओलीको यो कदम अर्थहीन भएको बताएका छन्।

थप समाचार

प्रधानमन्त्री र गृहमन्त्रीले पनि ट्राफिक नियम उलंघन गरेका छन्, कारबाही…

इरानसँगको सम्झौता समाप्त भएको अमेरिकी राष्ट्रपति ट्रम्पको दाबी

मानव अधिकार आयोगले सिफारिस गरेका प्रतिबेदन कार्यान्वयनमै सरकारको आलटाल

खानेपानी योजनामा सुस्तता र समन्वय अभावप्रति सांसदहरुको चिन्ताः ‘एक घर,…

सभामुखलाई प्रयोग गरिएको शब्दले प्रतिनिधिसभा बैठक नै प्रभावित

गोविन्दबहादुर कार्की मुख्यसचिवमा नियुक्त