आमहड्तालमा सडकमा आउँदा पनि शिर्ष नेताहरुलाई सुरक्षाकर्मीकै साथ

खोज पत्रिका बिहिबार, २०७७ माघ २२, १९ :५७ बजे

काठमाडौं । नेपाल कम्युनिस्ट पार्टी नेकपाको प्रचण्ड–नेपाल समूहले गरेको आमहडताल सफल पार्न शिर्ष नेताहरु सडकमै पुगेका छन् । दोस्रो तहका नेताहरु चोक चोकमा हड्ताल सफल बनाउन लागेको भएपनि शिर्ष नेताहरु समेत आन्दोलनमा सहभागि भएका छन् । प्रचण्ड माधव समूहका अध्यक्ष पुष्पकमल दाहाल प्रचण्ड, माधव कुमार नेपाल लगायतका शिर्ष नेताहरु सडकमै आएका हुन् ।

आन्दोलनमा सहभागीहरूलाई उत्साहित पार्न प्रचण्ड सडकमा आएर केहीबेर सरकारको कदमविरुद्ध नाराबाजीसमेत गरेका थिए । उनी सातदोबाटोबाट कोटेश्वर आएका थिए । आन्दोलनमा सहभागी भई उनले कोटेश्वरमा संक्षिप्त सम्बोधनसमेत गरेका उनले असंबैधानिक कदका बिरुद्ध सडकमा आउनु परेको जानकारी गराए ।

कोटेश्वरको आन्दोलनमा सहभागी भई उनी घर फर्किएका छन् । सरकारले बुधबार संसदीय सुनुवाइविनै संवैधानिक निकायका प्रमुख तथा सदस्यको शपथ खुवाएसँगै बुधबार नै नेपाल प्रचण्ड–नेपाल समूहले यसको विरोध गर्दै आजलाई आमहडतालको घोषणा गरेको थियो ।

क्याटेगोरी : देश/दुनियाँ, प्रमुख समाचार, ब्रेकिंग न्युज, समाचार
ट्याग : #नेताहरु सडकमै, #प्रचण्ड–नेपाल समूह