देश/दुनियाँब्रेकिंग न्युजशिक्षा स्वास्थ्यसमाचार

नेपालमा पछिल्लो २४ घण्टामा कोरोनाले लिएन कसैको ज्यान

0

काठमाडौं । नेपालमा पछिल्लो २४ घण्टामा कसैको पनि मृत्यु नभएको खुसीको खबर आएको छ । स्वास्थ्य तथा जनसंख्या मन्त्रालयले पछिल्लो २४ घण्टामा नेपालमा कोरोना संक्रमितको मृत्यु नभएको जनाएको हो । नेपालमा पहिलो पटक जेठ ३ गते सिन्धुपाल्चोककी महिलाको कोरोना संक्रमणबाट मृत्यु भएको थियो।

साउन २० देखि दैनिक रुपमा कोरोना संक्रमितको मृत्यु हुँदै आएको मन्त्रालयको विवरणमा उल्लेख गरिदै आएको थियो । करिव ६ महिनापछि बिहीबार मन्त्रालयको विवरणमा कोरोना संक्रमणबाट मृत्यु हुनेको संख्या शून्य उल्लेख देखिएको छ । साउन २० गतेसम्म ५८ जनाको मृत्यु भएको थियो। त्यसयता एक हजार ९ सय ६२ जनाको मृत्यु भएको छ।

कोरोना संक्रमणका कारण नेपालमा दुई हजार २० जनाको मृत्यु भएको छ। पछिल्लो २४ घण्टामा देशभर थप २ सय १३ जनामा कोरोना संक्रमण पुष्टि भएको छ। सोही अवधिमा देशभरबाट थप २ सय ९६ जना संक्रमणमुक्त भएका छन्। नेपालमा कुल संक्रमितको संख्या दुई लाख ७० हजार ५ सय ८८ पुगेको छ भने कोरोनामुक्त हुनेको संख्या दुई लाख ६५ हजार ३ सय ६५ पुगेको छ। देशभर सक्रिय संक्रमितको संख्या तीन हजार २ सय ३ रहेको मन्त्रालयले जनाएको छ ।

नेकपाका दुबै पक्षलाई निर्वाचन आयोगले बोलायो

Previous article

एक दिनमा ९ हजारले लगाए कोरोनाविरुद्धको खोप, ३ लाख बढी फन्टलाइनरले खोप लगाउँदै

Next article

You may also like