आज पनि प्रतिनिधिसभा विघटनविरुद्ध मुद्दाको सुनुवाइ

काठमाडौं । प्रतिनिधिसभा विघटनविरुद्ध सर्वोच्च अदालतमा विचाराधीन मुद्दाको सुनुवाइ आज पनि सुरू भएको छ । सर्वोच्च अदालतको संवैधानिक इजलासमा मुद्दाको सुनुवाइ भइरहेको छ । संसद् विघटनविरुद्ध सर्वोच्च अदालतमा १३ वटा रिट निवेदन परेका थिए। गत आइतबारदेखि सर्वोच्च अदालतको संवैधानिक इजलासमा मुद्दाको निरन्तररूपमा सुनुवाइ भइरहेको हो ।
प्रधानन्यायाधीश चोलेन्द्रशमशेर जबरा तथा न्यायाधीश विश्वम्भरप्रसाद श्रेष्ठ, अनिलकुमार सिन्हा, सपना प्रधान मल्ल र तेजबहादुर केसीको संवैधानिक इजलासमा मुद्दाको सुनुवाइ भइरहेको छ। ३ सय भन्दा बढी कानुन व्यवसायीले वकालतनामा लेखाएका छन्। शुक्रबारसम्म रिट निवेदकका तर्फबाट ३५ जना कानुन व्यवसायीले बहस गरिसकेका छन्। धेरै कानुन व्यवसायीहरू भएकाले इजलासले बहसमा समय निर्धारण गरेको छ।
हरेक दिनको बहसका क्रममा इजलासबाट न्यायाधीशहरूले कानुन व्यवसायीहरूको ध्यानाकर्षण गराउँदै आएका छन्। पुस ५ मा संसद् विघटन भएपछि उक्त निर्णयविरुद्ध रिट परेको थियो। रिट निवेदकका तर्फबाट मुद्दा बृहत् पूर्ण इजलासमा सुनुवाइ हुनुपर्ने माग उठे पनि माघ २ को आदेशले संवैधानिक इजलासमा नै सुनुवाइ गर्ने भनेको थियो।
क्याटेगोरी : देश/दुनियाँ, ब्रेकिंग न्युज, राजनीति, समाचार
ट्याग : #सर्वोच्च अदालत
ताजा खबर
- १रसुवा बाढीः प्रभावकारी उद्धारका लागि कांग्रेसले गरायो सरकारको ध्यानाकर्षण
- २रसुवामा बाढीः उद्धार र राहतमा सहभागी हुन नेता–कार्यकर्तालाई प्रचण्डको निर्देशन
- ३धादिङको त्रिशूली नदीमा २ जनाको शव भेटियो
- ४रसुवा बाढीमा ६ जना चिनियाँ नागरिकसहित १८ जना सम्पर्कविहीन, ९ जनाको उद्धार
- ५स्पेनी लगानीकर्तासँग प्रधानमन्त्री ओलीले भने, नेपालमा लगानी गर्नुस्
तपाईको कमेन्ट लेख्नुहोस्