देश/दुनियाँब्रेकिंग न्युजराजनीतिसमाचार

नेकपामा प्रचण्डको नयाँ रणनिति,ओलीपक्षधरसँग छलफल

0

काठमाडौं । नेकपाका कार्यकारी अध्यक्ष पुष्पकमल दाहाल प्रचण्डले पार्टीभित्रको विकसित राजनीतिक घट्नाक्रमका बारेमा महासचिव विष्णु पौडेल र नेकपा संसदीय दलका उपनेता सुवास नेम्वाङसँग छलफल गरेका छन् । दाहालले पार्टी कार्यालय धुम्बाराहीमा बोलाएर पौडेल र नेम्वाङसँग छलफल गरेका हुन् । ओली पक्षधर महासचिव पौडेल र उपनेता नेम्वाङ्गलाई बोलाएर दाहालले छलफल गर्नुलाई कतै अध्यक्ष एवं प्रधानमन्त्री ओलीले ल्याउने भनेको जवाफी प्रतिबेदनको डर बढी भएको भन्ने आशयका साथ हेरिएको छ ।

नेकपाको गत बुधबार बसेको सचिवालय बैठकमा प्रधानमन्त्री केपी शर्मा ओलीले यसअघि सचिवालयमा प्रचण्डले पेश गरेको प्रस्तावलाई आरोपपत्रको संज्ञा दिदैे छुट्टै प्रस्ताव ल्याउने बताएपछि नेकपाभित्र अहिले हलचल मच्चीएको छ । नेकपा संसदीय दलका उपनेता सुवास नेम्वाङले पार्टीभित्रको विवाद गम्भीर भएपनि सहमति जुट्ने दावी गरेका छन् । पार्टीलाई एकताबद्ध बनाएर लैजान प्रतिबद्ध छु, पार्टी एकताको अन्तिम कडी चुडिएको नठानियोस् प्रचण्डसँगको भेटपछि उनको भनाइ उदृत गर्दै पार्टी कार्यालय परिसरमा नेम्वाङले परिस्थिती जटील र गम्भीर भएपनि पार्टी एकताबद्ध हुनुको बिकल्प नरहेकोमा दुबै अध्यक्ष सहमत भएको बताए ।

कार्यकारी अध्यक्ष दाहालले सचिवालयमा राजनीतिक प्रतिवेदन पेश गरेपछि नेकपा विवाद जटिल मोडमा पुगेको विश्लेषण भइरहेको छ । पार्टी विवाद उत्कर्षमा पुगेको बेला प्रचण्डले शुक्रवार नै महासचिव विष्णु पौडेलसँगपनि पार्टी कार्यालय धुम्बाराहीमा छुट्टै छलफल गरेका थिए । अध्यक्ष दाहलसँगको भेटपछि पौडेलले परिस्थिती धेरै गम्भीर रहेको बताएका थिए । प्रधानमन्त्री एवं अध्यक्ष केपी शर्मा ओलीलाई प्रचण्डले लेखेको पत्र र पेश गरेको राजनीतिक दस्तावेजका कारण नेकपा भित्रको विवाद उत्कर्षमा पुगेको छ ।

ओली पक्षले सो प्रस्ताव फिर्ता लिन प्रचण्डसँग आग्रह गरेको छ । बुधवार बसेको नेकपा सचिवालय बैठकमा अध्यक्ष ओलीले मंसिर १३ गते बस्ने सचिवालय बैठकमा प्रचण्डको पत्रको जवाफ दिने बताएका छन् । १३ गते अगावै सहमति गर्नको लागि नेकपामा दोस्रो तहका नेताहरुको दौडधूप चलिरहेको छ भने कार्यकारी अध्यक्ष दाहल पनि ओलीको जवाफी प्रतिबेदन आउनुभन्दा पहिल्यै छलफलका माध्यमवाट समस्या सुल्झाउने प्रयासमा लागि परेको शुक्रवारको भेटघाटले स्पष्ट पार्दछ ।

नेपालमा कोरोनाबाट मृत्यु हुनेको संख्या १ हजार २ सय ९८ पुग्यो

Previous article

खै कोरोना उपचार र परिक्षण निशुल्क भएको ?

Next article

You may also like