देश/दुनियाँब्रेकिंग न्युजसमाचार

५ हजार १ सय १० प्रहरीमा कोरोना संक्रमण, १ हजार ९ सय ५६ अस्पतालमा भर्ना

0

काठमाडौं । जनताको प्रत्यक्ष सेवामा खटिने सुरक्षाकर्मीमा कोरोना भाइरस संक्रमण बढ्दो छ । अहिलेसम्म कोरोना भाइरसबाट संक्रमित हुने प्रहरीको संख्या ५ हजार १ सय १० पुगेको छ । समुदाय स्तरमा संक्रमण फैलिएसँगै दैनिक २० देखि २५ जना प्रहरी कोरोनाबाट संक्रमित हुने गरेको तथ्याङले देखाएको छ ।

पछिल्लो २४ घण्टामा मात्रै २३ जना प्रहरी संक्रमित थपिएको बताइएको छ । हालसम्म संक्रमित भएकामध्ये ३ हजार १ सय ८४ जना निको भइसकेका छन् भने १ हजार ९ सय ५६ जना उपचाररत छन् । काठमाडौं उपत्यकामा मात्रै १८ सय ६९ जना प्रहरी संक्रमित भएका छन् । जसमध्ये ६ सय ९२ जना उपचाररत छन् भने १ हजार १ सय ७७ संक्रमणमुक्त भएका छन् ।

प्रहरी प्रधान कार्यालयमै ३ सय ४२ जना कोरोनाका सक्रिय संक्रमित छन् । यस्तै प्रदेश १ मा ११८ जना, प्रदेश २ मा ८७ जना, वाग्मती प्रदेशमा १ सय ५८ जना, गण्डकी प्रदेशमा १ सय ९५ जना, लुम्बीनी प्रदेशमा १ सय ९१ जना, कर्णाली प्रदेशमा ४८ जना र सुदूरपश्चिम प्रदेशमा १ सय २५ जना प्रहरी कोरोनाका सक्रिय संक्रमित छन् ।

चीनले नेपालको भूमि मिचेको प्रतिबेदन सार्वजनिक, हेनुहोस् तस्वीरमा कहाँ–कहाँ मिचिएको छ सीमा

Previous article

एकैदिन कोरोनाबाट १८ जनाको मृत्यु, थपिए ३ हजार ५ सय ५६ जना संक्रमित

Next article

You may also like