देश/दुनियाँप्रमुख समाचारब्रेकिंग न्युजराजनीतिसमाचार

वार्ता नमिलेपछि चिकित्सक संघले बोलायो आकस्मिक बैठक

0

काठमाडौं । शुक्रबार रातिको वार्ता नमिलेपछि नेपाल चिकित्सक संघले पुनः आन्दोलनका कार्यक्रम ल्याउने तयारी गरेको छ । डा गोविन्द केसी र सरकार बीचको वार्ता निष्कर्षविहीन भएपछि संघले आन्दोलनका कार्यक्रम ल्याउने तयारी गरेको हो ।

संघले शनिबार दिउँसो ४ बजे आकस्मिक बैठक समेत बोलाएको छ । अनसनरत डा केसीको जीवनरक्षा र माग पूरा गर्न सरकारले कुनै ठोस कदम नउठाएकाले आकस्मिक बैठक बोलाएको संघका अध्यक्ष डाक्टर लोचन कार्कीले बताए। बैठकले आकस्मिक र कोरोना संक्रमितको उपचार बाहेकका स्वास्थ्य सेवा ठप्प पार्ने लगायतका आन्दोलनका कार्यक्रम घोषणा गर्ने डा कार्कीले जानकारी दिए।

यसअघि बिहीबार संघले डा केसीको माग सम्बोधनका लागि त्रिवि शिक्षण अस्पताल सहित देशभरका स्वास्थ्य संस्थामा कालो पट्टी बाँधेर रिले अनसन गरेका थिए। बिहीबार नै संघले बिहान दुई घण्टा सेवा बहिष्कार समेत गरेका थिए। माग सम्बोधनका लागि वार्ता भइरहेको भन्दै संघले शुक्रबारको कार्यक्रम स्थगित गरेको थिए । तर सरकारले माग पूरा गर्ने नाममा आलटाल गरेको भन्दै संघले पुनः आन्दोलनका कार्यक्रम घोषणा गर्ने तयारी गरेको हो।

कोरोनाबाट रूपन्देहीका दुईसहित थप ६ जनाको मृत्यु

Previous article

यो दसैँमा अग्रिम टिकट खोल्ने सम्भावना कम

Next article

You may also like