प्रमुख समाचारब्रेकिंग न्युजशिक्षा स्वास्थ्यसमाचार

असोज महिनामै थपिए २४ हजार १ सय २३ कोरोना संक्रमित, १ सय ४१ जनाको मृत्यु

0

काठमाडौं । सुरुमा काठमाडौं उपत्यकाबाहिर देखिएको कोरोना संक्रमण यतिबेला भने उपत्यकाका तीन जिल्लामा बढी फैलिइरहेको छ । काठमाडौं, ललितपुर र भक्तपुरमा देखिने कोरोना संक्रमण र बाहिरी जिल्लामा देखिने संक्रमणभन्दा उच्च रहेको पछिल्लो तथ्याङले देखाइरहेको छ । लकडाउन खुलेपछि त झनै उपत्यकामा संक्रमण बढ्दो छ । एक पटक कोरोना संक्रमित शुन्य भएको उपत्यकामा कसरी कोरोना भित्रियो सरकार आफै अलमलमा परेको छ । काठमाडौं उपत्यकाका प्रमुख जिल्ला अधिकारी तथा मेयरहरुको फोरमले बारम्बार नाकाहरुमा सेना परिचालन नै गरी रोक्नुपर्ने आवाज नउठाएका होइनन् तर, सरकारले त्यसको वेवास्ता गर्दा यो परिणाम आएको बिश्लेषण हुन थालेको छ ।

यतिबेला लकडाउन पनि खुलेको छ । जोरबिजोर प्रणालीमा सवारी साधन सञ्चालन गर्ने नियम बनाइएको छ । तर, सडकमा सबै सवारी साधान सञ्चालन भएभन्दा कम भिडभाड छैन् । बजार, पसल तथा उद्योगहरु सञ्चालनमा छन् । तर, स्वास्थ्य सर्तकता देखिदैन । यसले उपत्यकामा कोरोना संक्रमण थप भयावह हुने संकेत देखिन्छ । एक/दुई जनामा कोरोना देखिदा उपत्यकाका ठाउँ–ठाउँमा हात धुने पानी ट्याङकी नै राखियो । सावनुको पनि ब्यवस्था गरियो । तर, यतिबेला संक्रमण तीब्र रुपमा फैलिदा बजारमा चहल–पहल हुँदा न ट्याङकीबाट पानी आउँछ न त सावुनको ब्यवस्था नै गरिएको छ । यसले भने कोरोना जोखिमबाट बच्न गरिने सावधानीका उपायमा पनि कमी आएको देखिन्छ । मानिसहरु माक्स तथा सेनिटाइजरको प्रयोग पनि गर्न छोडेको जस्ता दृश्य देखिइरहेका छन् ।

दैनिक कोरोना संक्रमण पुष्टि भएका मध्ये ५० प्रतिशतभन्दाबढी काठमाडौ उपत्यकामै देखिने गरेका छन् । संक्रमित थपिएका छन् तर अहिले सम्मको लकडाउन र निषेधाषका कारण प्रभावित भएका आम नागरिक भिडभाड नै भएता पनि बाध्यताका कारण घरबाट निस्किएका होलान् तर, सावधानी भने नअपनाउँदा जोखिम झनै बढेको छ ।  पछिल्लो समय दैनिक कोरोना संक्रमण र मृत्युदर पनि बढ्दै गएको तथ्याङकले देखाइरहेको छ । पछिल्लो १६ दिन अर्थात असोज महिनामा मात्रै कोरोना भाइरसबाट नेपालमा १ सय ४१ जनाको मृत्यु भएको छ । असोज १ देखि १६ गतेसम्ममा १ सय ४१ जनाको मृत्यु हुँदा २४ हजार १ सय २३ जना संक्रमित थपिएका हुन् ।

नेपालमा शुक्रबार अहिलेसम्मके धेरै थप २ हजार ७ सय २२ जनामा कोरोना संक्रमण पुष्टि भएको छ । थपिएका कोरोनाका संक्रमितसँगै नेपालमा कोरोना संक्रमितको संख्या ८२ हजार ४ सय ५० पुगेको छ । यसैगरी पछिल्लो २४ घन्टामा कोरोनामुक्त भएर ३ हजार ३ सय ७ जना डिस्चार्ज भएका छन् । यो सँगै नेपालमा हालसम्म कोरोनामुक्त हुनेको संख्या ६० हजार ६ सय ९६ जना पुगेको छ । असोज ८ गते धेरै संख्यामा कोरोना संक्रमितको मृत्यु भएको थियो । सो दिन दिनमा १७ जना संक्रमितको मृत्यु भएको थियो ।

असोज महिनामा मृत्यु र देशभर संक्रमण र काठमाडौं उपत्यकामा संक्रमितको तथ्याङ हेरौं ।
गते                    मृत्यु              कुल संक्रमित                                           उपत्यकामा संक्रमण असोज १             ४                  १२४६                                                                ६ सय १८
असोज २            ७                   २०२०                                                                 ८ सय ५९
असोज ३            ११                   १२०४                                                                ६ सय २१
असोज ४           १०                  १३२५                                                                  ७ सय ६७
असोज ५          १६                  ११५४                                                                   ६ सय ७४
असोज ६          २                    १३५६                                                                   ६ सय ४७
असोज ७          ७                  ११७२                                                                     ६ सय ३७
असोज ८         १७                 १४९७                                                                    ७ सय ५५
असोज ९          ६                  १३१३                                                                       ६ सय ४५
असोज १०         ८                 १२०७                                                                       ७ सय २४
असोज ११         १०                १,५७३                                                                      ८ सय ९
असोज १२        ४                 १३५१                                                                         ८ सय १७
असोज १३        १०                १,५१३                                                                        ९ सय ३४
असोज १४        ७                 १,५५ ९                                                                       ९ सय २
असोज १५      ११                 १,९११                                                                         ९ सय ३४
देशभरको यो तथ्याङकले देखाउँछ नेपालमा कोरोना संक्रमण कसरी फैलिइरहेको छ भन्ने । शहर केन्द्रीत कोरोना संक्रमण बढ्दा कन्ट्रयाक ट्रेसिङमा समेत समस्या देखिएको छ । पछिल्लो चरणमा अझ सरकारले कोरोना नियन्त्रण र रोकथामका बिषयमा कुनै चासो नै नदिएजस्तो देखिएको छ ।

दैनिक सवा ४ बजे स्वास्थ्य तथा जनसंख्या मन्त्रालयले आज यति संक्रमति थपिए यति जनाले ज्यान गुमाए र यति निको भए भन्ने जानकारी दिने बाहेक थप कदम चालेको देखिदैन । पिसिआर परिक्षणको दायरा बढाउने गफ मन्त्री भानुभक्त ढकालले दिएको पनि करिव दुई महिना पुग्नै लाग्यो । तर, १०/११ हजारको पिसिआर परिक्षण सिमित छ ।

न त सरकारले लकडाउन गर्दा नै कुनै प्रभावकारी काम गर्यो न त लकडाउन र निषेधाज्ञा खोलेपछि नै गरेको छ । कोरोना रोकथाम र नियन्त्रणमा भन्दापनि सरकारको ध्यान आफनै पार्टी नेकपाको विवाद मिलाउनैमा केन्द्रीत हुँदा संक्रमण एक लाख नजिक पुग्न लाग्दा समेत काम प्रभावकारी गरेकै छौं भन्दै भाषण गर्नु कति उचित होला ? यहि प्रश्न जनताले दुई तिहाई नजिकको कम्युनिष्ट सरकारलाई सोधिरहेका छन् ।।

डाक्टर युवराज खतिवडालाई चिठ्ठै–चिठ्ठा

Previous article

नेकपा सचिवालय बैठक आज,पछिल्लो नियुक्तिबारे छलफल गरिने

Next article

You may also like