देश/दुनियाँप्रमुख समाचारब्रेकिंग न्युजशिक्षा स्वास्थ्यसमाचार

को हुन् पहिलो पटक कोरोना बिरुद्धको खोप लगाउने भाग्यमानी नेपाली

0

काठमाडौं । कोरोना भाइरस बिरुद्धको खोप कहिले बन्ला भन्ने कौतुहला सबै नेपालीमा छ । तर, बिश्वका बिभिन्न देशले खोपको परिक्षण पनि गरिरहेका छन् । बिश्वमा कोरोना भाइरसविरूद्धको खोप बनाउने रसिया पहिलो बनेको छ । बेलायत, अमेरिका, चीन, भारत लगायतका मुलुक अझै पनि खोप बनाउने होडबाजीमा सक्रिय छन् । उनीहरूले खोप बनाइहाले पनि नेपालीले पाउने कहिले हो कहिले कुनै टुंगो छैन् । तर, एक नेपाली भने यस्ता भाग्यशाली भएका छन् जसले संसारमै पहिलो पटक बनेको कोरोनाको खोप लगाउन पाएका छन् ।

रुसमा रहेका एक डाक्टर नेपालीले केरोनाविरुद्धको खोप लगाउने अवसर पाएका हुन् । रुसको राजधानी मस्कोमा कार्यरत डाक्टर महेश श्रेष्ठले कोरोना भाइरस बिरुद्धको भ्याक्सिन लगाएका हुन् । मस्कोमा कार्यरत ६१ वर्षीय डाक्टर श्रेष्ठले शनिबार कोराना भाइरसबिरुद्धको खोप लगाएका हुन् । सल्यान पुर्ख्यौली घर भएका श्रेष्ठको नाम रसियन सरकारद्वारा अनलाइनमा लक्की ड्र मार्फत छानिएको थियो ।

गैरआवासीय नेपाली संघ (एनआरएनए) का उपाध्यक्ष डाक्टर बद्री केसीले लक्की ड्र मार्फत् श्रेष्ठले यो अवसर पाएको सामाजिक सञ्जालमा पोष्ट गरेका छन् । श्रेष्ठलाई भ्याक्सिन दिनुभन्दा पहिला सम्पूर्ण स्वास्थ्य परीक्षण गरिएको थियो । ३० हजार जना मध्येबाट छनौट श्रेष्ठको भ्याक्सिन लगाएपछिको स्वास्थ्य अवस्था पनि सामान्य रहेको बताइएको छ । पहिलो पटक कोरोना बिरुद्धको खोप लगाएपछि अहिले बिश्वमा उनीको चर्चा भएको छ ।

पार्टी एकतापछि प्रधानमन्त्री ओली दोस्रो पटक पेरिसडाँडामा, बैठक भने पहिलो पटक बस्यो

Previous article

उपत्यकाका ५ हजार ३ सय ४४ कोरोना संक्रमित कता हराए ?

Next article

You may also like