प्रमुख समाचारब्रेकिंग न्युजराजनीतिसमाचार

नेपाली कांग्रेसमा कोरोनाको प्रभाव,महाधिबेशनको काम प्रभावित

0

काठमाडौं । तीब्र रुपमा बढिरहेको कोरोना संक्रमणले महाधिबेशनको तयारीमा जुटेको नेपाली कांग्रेसका गतिबिधि पनि प्रभावित भएका छन् । निजी सचिवालयमा कार्यरत एक जनामा कोरोना पुष्टि भएपछि कांग्रेस सभापति शेरबहादुर देउवा होम आइसोलेसनमा बसेका छन् । संक्रमितको कन्ट्याक्ट ट्रेसिङमा परेका सचिवालयमा कार्यरत अन्य चार जनाको रिपोर्ट भने नेगेटिभ आएको छ । सभापति देउवाको शुक्रबार स्वाब परीक्षण गरिने भएकोले उनी होम आइसुलेसनमा बसेका हुन् । जसका कारण बिहीबार सत्तारुढ नेकपा र प्रमुख प्रतिपक्ष दलबीच संवैधानिक निकाय र विश्वविद्यालयमा रिक्त रहेका पदमा नियुक्तिका बारेमा तय भएको छलफल समेत स्थगित भएको छ ।

त्यस्तै महामन्त्री डाक्टर शशांक कोइराला कोरोना संक्रमण भएपछि ओम अस्पतालमा उपचाररत छन् । उनले भिडियो सन्देश जारी गर्दै आफू छिट्टै निको भएर फर्किने विश्वास ब्यक्त गरेका छन् । बिहिबारदेखि सभापति देउवा बिरुद्ध हस्ताक्षर अभियान चलाउने योजना बनाएको बरिष्ठ नेता रामचन्द्र पौडेल पक्षको कार्यक्रम पनि स्थगित भएको छ । पार्टीको बिभाग गठन, क्रियाशील सदस्यता वितरणमा पारदर्शिता नअपनाएको, पार्टीको समायोजनमा ढिलाइ गरेर तोकिएकै मितिमा महाधिवेशन नगराउने योजना सभापतिले गरेको आरोप पौडेल पक्षले लगाउँदै आएको छ ।

पूर्वमहामन्त्री कृष्णप्रसाद सिटौलालाई समेत साथमा लिएर हस्ताक्षर बुझाउने रणनिति बनाएको पौडेल पक्षीय नेताहरु समेत आफूलाई केही जानकारी नभएको बताइरहेका छन् । बिगतमा भएका कमजोरी सभापति देउवाले नसच्याए अनसनसम्म बस्ने धम्की दिएका बरिष्ठ नेता पौडेलको सचिवालयले समेत महामन्त्री कोइराला कोरोना मुक्त भएपछि मात्रै अभियान चलाइने बताएको छ । सभापति देउवाले बुधबार एक कार्यक्रममा तोकिएकै समयमा पार्टीको महाधिबेशन हुने बताएपछि कोरोना संक्रमणको त्रास र तयारीले हुने सम्भावना न्यून छ ।

तीन बर्षपछि बामदेव गौतम संसदमा

Previous article

उपत्यकामा ६१८ सहित देशभर थप १२४६ कोरोना संक्रमित फेला

Next article

You may also like