देश/दुनियाँब्रेकिंग न्युजसमाचार

असोज १ गतेदेखि हवाई सेवा सुरु नहुने,आधा मात्र यात्रु राखेर उडान सञ्चालन नगर्ने सञ्चालकको घोषणा

0

काठमाडौं । सरकारले मंगलबार असोज १ गतेबाट हवाई सेवा सुरु गर्ने निर्णय गरेपनि सुचारु हुनेमा अन्यौलता देखिएको छ । वायुसेवा सञ्चालकहरुले ५० प्रतिशत मात्र यात्रु राखेर उडान गर्नुपर्ने सरकारको निर्णयमा असहमति जनाएका हुन् । बुधबार संस्कृति, पर्यटन तथा नागरिक उड्डयन मन्त्रालयमा भएको छलफलमा १ असोजमा उडान खुला गर्ने निर्णय सार्वजनिक भएपनि सोही दिन जहाज उड्न नसक्ने र ५० प्रतिशत यात्रु राखेर समेत उडान सम्भव नभएको अडान सञ्चालकहरुले दोहोर्‍याएका छन् ।

मन्त्रालयले भने यसअघि तोकिएको सबैभन्दा माथिल्लो दरमा भाडा लिन पाउने गरी सहमति गर्न प्रस्ताव गर्दै आएको छ । तर, व्यवसायी भने भर्खरै महामारीका कारण घरभित्रै थुनिएर बसेका यात्रुले मँहगो भाडा तिरेर यात्रा गर्न नसक्ने भन्दै असहमति जनाएका हुन् ।

यसअघि सरकारले मंगलबार १ असोजबाट हवाई उडान खुल्ने बताएको थियो । तर, मन्त्राालयले मंगलबार नै वायुसेवा कम्पनीहरुलाई बुधबार छलफलका लागि गरिएको आमन्त्रणमा भने मन्त्रिपरिषद्बाट ५ असोजबाट उडान गर्ने उल्लेख छ । यसरी पटक–पटक फरक–फरक निर्णयले वायुसेवा सञ्चालक नै अन्यौलमा परेको व्यवसायीले बताएका छन् । सोहीअनुसार वायुसेवा सञ्चालकहरुले बुधबार नैअहिलेकै अवस्थामा सेवा सञ्चालन गर्न नसक्ने व्यहोराको पत्र दर्ता गरेका छन् ।

बोइलर कुखुरा जस्तो शुल्क घट्ने पिसिआर परिक्षण

Previous article

६ महिनापछि बिहिबारबाट हुँदैछ नयाँ बसपार्कमा चहल–पहल

Next article

You may also like