प्रमुख समाचारब्रेकिंग न्युजसमाचारस्वास्थ्य

कतै तपाईले विषाक्त स्यानिटाइजर त प्रयोग गर्नुभएको छैन् ?

0

काठमाडौं । विषाक्त रसायनयुक्त स्यानिटाइजर उत्पादन गर्ने काठमाडौं र भक्तपुरका पाँच वटा उद्योग कारबाहीमा परेका छन् । औषधि व्यवस्था विभागको प्रयोगशालमा गरिएको परीक्षणमा मापदण्डविपरीत स्यानिटाइजर उत्पादन गरेको पाइएपछि काठमाडौंस्थित हाइजिन सोप एण्ड केमिकल प्रालि, आधार केमिकल एण्ड फुड इन्डष्ट्री, सर्च केम कम हर्बल प्रडक्ट्स र सूर्यमुखी हर्बल प्रडक्ट्स र भक्तपुरको नेपाल कायाकल्प उद्योगमाथी कानुनी कारबाही अघि बढाइएको हो ।

औषधि व्यवस्था विभागले यी उद्योगहरुबाट उत्पादित ‘इन्सट्यान्ट ह्याण्ड स्यानिटाइजर’, ‘इन्सट्यान्ट ह्याण्ड स्यानिटाइजर ओरिजिनल’, ‘एडभान्स््ड ह्यान्ड स्यानिटाइजर’, ‘इन्सट्यान्ट ह्याण्ड स्यानिटाइजर रिफ्रेसिङ जेल’ र ‘सूर्यमुखी ह्याण्ड स्यानिटाइजर’ प्रयोग नगर्न आम उपभोक्तालाई आग्रह गरेको छ ।

विभागका अनुसार यी स्यानिटाइजरहरुमा विषाक्त रसायन मेथानोल समावेश गरेको पाइएको छ । विभागले जारी गरेको सूचनामा विषाक्त रसायन मेथानोलले मानव स्वास्थ्यमा गम्भीर असर पार्ने उल्लेख छ । विभागका अनुसार स्यानिटाइजरमा इथानोल बाहेकका अन्य केमिकल प्रयोग गर्नु हानिकारक मानिन्छ ।

एक सातामा विदेशमा मात्रै ४३ नेपालीको कोरोनाबाट ज्यान गयो, साउदीमा ६० शव अलपत्र

Previous article

औषधि खरिद प्रकरण: ओम्नी समूह एक वर्षका लागि कालोसूचीमा

Next article

You may also like