प्रमुख समाचारब्रेकिंग न्युजसमाचारस्वास्थ्य

एकैदिन देशभर १३ सय ५९ संक्रमित थपिदा १३ सय ५४ जना निको

0

काठमाडौं । पछिल्लो २४ घण्टामा देशभर थप १ हजार ३ सय ५९ जनामा कोरोनाभाइरस संक्रमण पुष्टि भएको छ । संक्रमितमा महिला ४ सय ६४ र पुरुष ८ सय ९५ रहेका छन् । यससँगै देशभर कुल संक्रमितको संख्या ४४ हजार २ सय ३६ पुगेको छ । काठमाडौं उपत्यकामा मात्रै ४ सय ५४ जनामा कोरोनाभाइरस संक्रमण पुष्टि भएको छ ।

काठमाडौंमा ३ सय ८६, ललितपुरमा ३२ र भक्तपुरमा ३६ जनामा संक्रमण पुष्टि भएको जानकारी स्वास्थ्य मन्त्रालयका प्रवक्ता डाक्टर जागेश्वर गौतमले जानकारी दिए । यसअघि बिहीबार उपत्यकामा ४ सय ४५ जनामा कोरोना संक्रमण पुष्टि भएको थियो । देशभर सक्रिय संक्रमितको संख्या १८ हजार ७ सय ४ रहेको छ । जसमा संस्थागत आइसोलेशनमा १० हजार ९ सय ४२ जना रहेका छन् भने होम आइसोलेशनमा ७ हजार ४६२ जना रहेका छन् ।

यस्तै पछिल्लो २४ घण्टामा १ हजार ३ सय ५४ जना निको भएका छन् भने कुल निको हुनेको संख्या २५ हजार ५ सय ६१ पुगेको छ। पछिल्लो २४ घण्टामा कोरोनाभाइरसबाट थप १४ जनाले ज्यान गुमाएका छन् । मृतकमा महिला ४ र पुरुष १० जना रहेका छन् । थप १४ जनाको मृत्यु भएसँगै मृतकको कुल संख्या २ सय ७१ पुगेको छ ।

बामदेव गौतम राष्ट्रियसभामा,नेकपा सचिवालयका ९ जना नै संघीय संसदमा

Previous article

बामदेवको आगमन, युवराजको बर्हिगमन

Next article

You may also like