प्रमुख समाचारब्रेकिंग न्युजसमाचारस्वास्थ्य

उपत्यकामा ३ हजार २ सय ६२ संक्रमित मध्ये काठमाडौंमा मात्रै २५ सय ७९

0

काठमाडौं । उपत्यकाका तीन जिल्लामा कोरोना संक्रमितको संख्या ३ हजार २ सय ६२ पुगेको छ । ती मध्ये काठमाडौंमा मात्रै २ हजार ५ सय ७९ कोरोना संक्रमित रहेका छन् । पछिल्लो चरण तीब्र गतिमा फैलिएको कोरोना भाइरसका कारण दैनिक काठमाडौं उपत्यकामा सरदर २ सयको हाराहारीमा संक्रमित भेटिइरहेका छन् । काठमाडौंका ३२ वटा वडामा कोरोना भाइरसका संक्रमित भेटिएका छन्। तिमध्ये सबैभन्दा धेरै वडा नम्बर ३२ को कोटेश्वर क्षेत्रमा मात्र १ सय २३ जना रहेका छन् ।

काठमाडौंमा मात्रै एक हजार ७ सय ६२ पुरुष र ८ सय १७ महिला गरेर २ हजार ५ सय ७९ जनामा कोरोना पुष्टि भएको छ। यस्तै, ललितपुरमा २ सय २५ पुरुष र १ सय ८६ महिला गरेर ४ सय ११ जनामा संक्रमण पुष्टि भएको छ। भक्तपुरमा १ सय ७३ पुरुष र ९९ महिला गरेर २ सय ७२ जनामा कोरोना पुष्टि भएको मन्त्रालयले जनाएको छ। काठमाडौंमा शनिबारसम्ममा ३२ वटा वडामा १ हजार ६ सय ६ जनामा कोरोना पुष्टि भएकोमा १ सय ८८ जना निको भएका छन्। ८ जनाको भने मृत्यु भएको छ ।

काठमाडौंको पनि कोटेश्वरमा धेरै संक्रमित छन्। कोटेश्वरमा मात्रै १ सय २३ जनामा कोरोना हुँदा ७ जना निको भएका छन् । नेपालमा अहिलेसम्म ६ लाख ४ सय ४४ जनाको पीसीआर परीक्षण गर्दा ३१ हजार ९ सय ३५ जनामा कोरोना पोजेटिभ आएको छ। जसमध्ये १८ हजार ६ सय ३१ जना उपचारपछि डिस्चार्ज भएका छन्। संक्रिय संक्रमितको संख्या १३ हजार १ सय ५५ रहेको छ। १ सय ४९ जनाको भने कोरोना संक्रमणका कारण ज्यान गएको छ। आइतबार मात्रै ८ सय १८ जनामा कोरोना पुष्टि भएको छ भने २ सय ८१ जना निको भएका छन्।

चितवनमा बिहानै थपिए २० कोरोना संक्रमित

Previous article

एकैदिन काठमाडौं उपत्यकामा २२४ सहित ७४३ जनामा कोरोना संक्रमण पुष्टि

Next article

You may also like