देश/दुनियाँप्रमुख समाचारब्रेकिंग न्युजसमाचार

कोरोना विरुद्धको खोप तीन महिनाभित्र दिने रुसको दाबी

0

काठमाडौं । कोरोना भाइरस बिरुद्धको खोप कसले पहिला बनाउने भन्ने होडबाजीमा देशहरु लागेका छन् । त्यस्तै, रुसी सरकारले अबको तीन महिनाभित्र आफ्ना नागरिकलाई कोरोना भाइरस विरुद्धको खोप दिने तयारी गरेको दाबी गरेको छ ।

अक्टोबर महिनामा कोरोना विरुद्धको खोप दिने योजनाअनुसार अघि बढिरहेको रुसी स्वास्थ्यमन्त्री मिखाइल मुरास्कोले जानकारी दिएका छन् । उनले पहिलो चरणमा चिकित्सक र शिक्षकलाई खोप दिने योजना भएको जानकारी दिए । यही महिनामा नियामक निकायबाट खोपको लागि स्वीकृति मिल्ने भएको समाचार एजेन्सी रोयटर्सले जनाएको छ। अहिले विश्वका विभिन्न देशमा कोरोना भाइरस विरुद्धको खोप बनाउने काम तीव्र गतिमा भइरहेको छ ।

झण्डै २० वटा खोपको प्रयोगशालामा परीक्षण सुरु भइसकेको छ । कोरोना सङ्क्रमित धेरै भएका देशमा रुस चौथो स्थानमा छ । रुसमा अहिलेसम्म ८ लाख ४५ हजारमा कोरोना पुष्टि भएको छ भने १४ हजार जनाको ज्यान गएको छ । अहिले विश्वभर एक करोड ७९ लाखमा कोरोना सङ्क्रमण भएको छ । जसमध्ये एक करोड १३ लाख निको भएका छन् । ६ लाख ८७ हजारको भने ज्यान गएको छ ।

कसले कुट्यो कार्यकक्षमै भ्रष्टचार बिरोधी उपसचिव प्रेम सञ्जेललाई

Previous article

विश्वमा एकै दिन २ लाख ४६ हजार ५६६ जनामा कोरोना संक्रमण

Next article

You may also like