देश/दुनियाँप्रमुख समाचारब्रेकिंग न्युजसमाचार

नेपालमा थप १ सय ३९ जनामा कोरोना संक्रमण, संक्रमितको संख्या १८७७२ पुग्दा ४८ जनाको मृत्यु

0

काठमाडौं । पछिल्लो २४ घण्टामा १३९ जनामा संक्रमण पुष्टि भएसँगै नेपालमा कोरोना संक्रमितको संख्या १८ हजार ७७२ पुगेको छ । पछिल्लो २४ घण्टामा मात्र विभिन्न आइसोलेसन सेन्टरबाट ६२६ जना डिस्चार्ज भएका छन् । संक्रमित मध्ये १३ हजार ७५४ जनाले कोरोना जितेका छन् । अहिले सक्रिय संक्रमितको संख्या ४ हजार ९ सय ५० रहेको छ । स्वास्थ्य तथा जनसंख्या मन्त्रालयका अनुसार सबैभन्दा धेरै दैलेखमा २८ जनामा कोरोना संक्रमित पुष्टि भएको छ ।

यस्तै, सप्तरीमा २१, पर्सामा २०, धनुषा र महोत्तरीमा १० १० जना, बैतडीका ४, काठमाडौं, ललितपुर र कास्कीमा ३ ३ जना, सल्यानमा २ तथा सिरहा, काभ्रे, बाँके, रुपन्देही र सुर्खेतका एक एक जनामा कोरोना संक्रमण देखिएको छ । स्याङ्जाका एसपीसहित १८ जना प्रहरीमा कोरोना संक्रमण देखिएको छ । बाराको फेटा गाउँपालिका ३ का ६० वर्षीय पुरुषको सोमबार त्रिवि शिक्षण अस्पताल महाराजञ्जमा उपचारका क्रममा मृत्यु भएसँगै कोरोनाबाट ज्यान गुमाउनेको संख्या ४८ पुगेको छ । मृतक बृद्ध निमोनिया, मिर्गौला र मस्तिष्कघातसम्बन्धी रोगका बिरामी हुन् ।

सार्वजनिक सवारी यातायातको मनलाग्दी, दोब्बर भाडा लिएर यात्रु ठग्दै

Previous article

कोरोना कहर : माक्स नलगाउनेलाई पक्राउ गर्न गृहको पत्राचार

Next article

You may also like