कास्कीको माछापुच्छ्रे गाउँपालिका ८ मा पहिरो जाँदा ३ जनाको मृत्यु

खोज पत्रिका शुक्रबार, २०७७ साउन २, १५ :०० बजे

काठमाडौं । कास्कीको माछापुच्छ्रे गाउँपालिका–८ खोरामुखमा पहिरो जाँदा ३ जनाको मृत्यु भएको छ । गएरातिदेखि अविरल परेको वर्षाका कारण स्थानीय प्रेम विकको घरमा पहिरो खस्दा तीन जना नातिनातिनीको मृत्यु भएको हो ।

पहिरोमा परी ज्यान गुमाउनेमा १६ वर्षीय कुशल विक, १४ वर्षीय समीर विक र १६ वर्षीया रोजिना विक रहेको प्रहरीले जनाएको छ । सुरक्षाकर्मी तथा स्थानीयवासीले पहिरोमा पुरिएका तीनै जनाको शव बाहिर निकालेका छन् । घरको २ सय मिटर माथिबाट झरेको पहिरोले घर बगाएको हो । ढुङ्गा माटोले बनेको कच्ची घरको तीन वटा कोठा पहिराले बगाएको छ । घटनास्थल पोखराबाट उत्तर पश्चिम २० किमीको दूरीमा पर्दछ ।

क्याटेगोरी : देश/दुनियाँ, प्रमुख समाचार, ब्रेकिंग न्युज
ट्याग : #पहिरो जाँदा ३ जनाको मृत्यु