प्रमुख समाचारब्रेकिंग न्युजसमाचार

८ जिल्लामा बाढीपहिरोको बितण्डा : २३ जनाको मृत्यु, ३६ बेपत्ता

0

काठमाडौं । लगातार परेको बर्षासँगै आएको बाढी र पहिरोको कारण धनजनको क्षति भएको छ । शुक्रबार मात्र ८ जिल्लामा बाढीपहिरोले प्रभावित बनाएको छ । पछिल्लो बिवरण अनुसार पहिरोमा परी २३ जनाको मृत्यु भएको छ, भने ३६ जना बेपत्ता छन् । त्यस्तै, २६ जना घाइते भएको राष्ट्रिय विपद् जोखिम न्यूनीकरण तथा व्यवस्थापन प्राधिकरणले जनाएको छ । म्याग्दीको धौलागिरी गाउँपालिका र मालिका गाउँपालिकामा बाढीपहिरोमा परी ३ जनाको मृत्यु भएको छ भने ३१ जना बेपत्ता छन् ।

म्याग्दीमा पहिरोमा ३५ घर समेत पुरिएको छ । यस्तै, लमजुङको बेशीसहर नगरपालिका–७ सातबिसेमा पहिरोले पुरिँदा तीनजनाको घटनास्थलमै मृत्यु भएको छ भने तीनजना घाइते भए । कास्कीको पोखरा महानगरपालिका सराङकोट, हेम्जा र पैतलेडाँडामा पहिरोले पुरिँदा सातजनाको मृत्यु भएको छ भने १७ जना घाइते भएका छन् । घाइतेहरुको विभिन्न अस्पतालहरुमा उपचार भइरहेको छ । सराङकोटमा पहिरो खस्दा घरपरिवारसहित जन्मदिनको पार्टी मनाउन आएका पाहुना पुरिएका हुन् ।

रुकुमपश्चिमको आठविसकोट नगरपालिका–३ स्यालाखदीमा पहिरोले पुरिँदा २ जनाको मृत्यु भएको छ भने एक जना घाइते भएका छन् । तनहुँको शुक्लागण्डकी नगरपालिका–७ पुल्चोक र हिलेवस्तीमा पहिरो गएको छ । दर्जनौं घरहरुमा क्षति पुगेको छ । त्यस्तै जाजरकोटको बारेकोट गाउँपालिका–४ सार्कीगाउँमा पहिरो जाँदा ७ जनाको मृत्यु भएको छ भने ५ जना अझै बेपत्ता छन् । यस्तै पाँच जना घाइते भएका छन् ।

यसैगरी दोलखामा पनि पहिरो गएको छ । दोलखाको निरी नगरपािलका –५ लिडकलमा पहिरो गएको हो । पहिरोले २ दर्जनभन्दा बढी घरहरुमा क्षति पुगेको छ । यस्तै गुल्मीको कालीगण्डकी गाउँपालिका–४ फुसेमा पनि पहिरो गएको छ । पहिरोमा एकज नाको मृत्यु भएको छ । बुधबार राति सिन्धुपाल्चोकको बाह्रबिसे नगरपालिका र भोटेकोसी गाउँपालिकामा पहिरो जाँदा २ जनाको मृत्यु भएको थियो भने घटनामा २० जना बेपत्ता छन् । बेपत्ताहरुको उद्धार र खोजबिनमा स्थानीय प्रहरी, नेपाली सेना, सशस्त्र प्रहरी र स्थानीयहरु खटिएका छन् । अझै पानी पर्ने क्रम नरोकिएकाले सर्तक रहन गृहमन्त्रालयले आग्रह गरेको छ ।

कोरोना संक्रमण घट्यो, पछिल्लो २४ घण्टामा संक्रमणभन्दा डिस्चार्ज संख्या बढी

Previous article

रुकुमपश्चिमको सोती घटनामा ज्यान गुमाउने परिवारलाई राहत सहयोग

Next article

You may also like