देश/दुनियाँप्रमुख समाचारब्रेकिंग न्युजसमाचार

सिन्धुपाल्चोकमा पहिरो जाँदा २ जनाको मृत्यु १९ जना बेपत्ता

0

काठमाडौं । सिन्धुपाल्चोकको बाह्रबिसे नगरापलिका–५ जम्बु–मानेश्वाराँमा पहिरो तथा खहरे खोलामा आएको बाढीका कारण दुई जनाको मृत्यु भएको छ भने १९ जना बेपत्ता भएका छन् । याल्मो भन्ने ठाडो खोलाको बाढी तथा पहिरोका कारण करिब १४ घर बगाउँदा १९ जना बेपत्ता भएका हुन् । अहिले पनि पानी परिरहेका कारण बेपत्ताहरुको खोजी गर्न कठिनाई भएको छ । एक बच्चा र एक बयस्कको शव भेटिएको जनाइएको छ ।

बेपत्ताको खोजीका लागि प्रयास भइरहेपनि भोटेकोशी नदीमा आएको बाढी तथा पहिरोले बाटो अवरुद्ध हुँदा समस्या भएको जनाइएको छ । बुधबार मध्यरातमा गाउँमाथिबाट बाढी तथा पहिरो खस्दा घरहरु बगाएको हो । यस्तै बाह्रबिसे–३ मा खाडदल खोलाको बाढीले कच्ची–पक्की गरी २० घर बगाएको जिल्ला प्रहरी कार्यालय सिन्धुपाल्चोकले जनाएको छ । बाढीले भोटेकोशीको पुल पनि बगाएको छ । यस्तै अरनीको राजमार्गका विभिन्न ठाउँमा बाटो नै बगाएको छ । यसैबीच सभामुख अग्निप्रसाद सापकोटासहितको टोली हेलिकप्टरमार्फत काठमाडौंबाट सिन्धुपाल्चोक जाँदै छ ।

यी तथ्यहरुले भन्छ समुदायस्तरमा कोरोना फैलिइसक्यो  

Previous article

एकै दिन ४ ब्यवसायी संस्थाको बिज्ञप्ती, ब्यवसाय नै ठप्प पार्ने किन दिदैंछन् चेतावनी

Next article

You may also like