देश/दुनियाँप्रमुख समाचारब्रेकिंग न्युजसमाचार

यातायातमा हाम्रो नजर, कर बुझाउन समेत घण्टौं लाइन, टोकनमा पनि मागिन्छ पैसा

0

काठमाडौं । कोरोना संक्रमणको जोखिम गर्न सरकारले सरकारी कार्यालय दुई सिफ्टमा सञ्चालन गर्न निर्देशन दिएको छ । तर, अधिकांश सरकारी कार्यालय अहिलेपनि एक सिफ्टमा सञ्चालन भइरहेका छन् । सरकारी कार्यालयमा कामकारवाही कस्तो चल्दैछ ? कोरोना भाइरस जोखिम कम गर्न सर्तकता अपनाईको छ या छैन् यहि बुझ्न हामी काठमाडौंको सानो भर्याङ र सुकेधारास्थित यातायात व्यवस्था सेवा कार्यालयमा पुग्यौं । 

दुई सिफ्टमा सञ्चालन गर्न भनिएको कार्यालय एक सिफ्टमा मात्रै सञ्चालन भएको पाइयो । कार्यालय अस्तब्यस्त, लाइनमा भद्रगोल, कोरोनाको जोखिमबाट बच्न कुनै सर्तकता अपनाइएको पाइएन । सेवाग्राहीको भीडभाड, भौतिक दूरी कायम नगराइएको र नगरिएको दृश्य हेर्दा कोरोनाको जोखिम सरकारी कार्यालयबाट त बढ्ने होइन भन्ने त्रास थियो । कर्मचारी अभावलाई कारण देखाउँदै १० बजेदेखी मात्रै सेवा दिइरहेको सानो भर्याङको यातायात व्यवस्था सेवा कार्यालयमा टोकन समेत ५ सयभन्दा बढीको बिक्रि भइरहेको सेवाग्राहीको गुनासो थियो । सरकारले असार मसान्तसम्म सवारीसाधनको नविकरण र कर तिर्ने बाध्यकारी सूचना जारी गरेपछि अहिले सर्वसाधारण भीडभाड गर्दै जोखिम मोलेर कर तिर्न बाध्य छन् ।

सबै सेवा एकै पटक दिन खोज्दा सेवाग्राहीको भिड लागेको र सेवाग्राहीलाई सावधानी सहित सेवा लिन आग्रह गरेपनि सेवाग्राहीले नै अटेर गर्दा कोरानाको जोखिम बढ्न सक्ने देखिएको छ । अझ् सरकारी कार्यालयमा दैनिक २ सयको काम गर्ने भन्दै लिष्ट बनाइन्छ । त्यहि लिष्टमा नाम पार्न पनि पैसा तिरिरकेको गुनासो सेवाग्राहीको थियो । उनीहरु भन्दै थिए सरकारले कर बुझाउन आउँदा पनि यस्तो बिजोग गरी लाइन लाग्नुपर्ने । बैंकिङ प्रणाली मार्फत कर तिर्दा कर्मचारी तथा त्यहा आउने बिचौलियाको खाने स्रोत समेत बन्द हुनेभएकोले सेवाग्राहीलाई सास्ती दिएको उनीहरुको आरोप थियो ।

गुरु ब्रम्हा, गुरु बिष्णु गुरुदेव महेश्वरः गुरुः साक्षात परं ब्रह्मा तस्मै श्र गुरवे नमः

Previous article

यस वर्ष कक्षा ११ को पनि परिक्षा नहुने, आन्तरिक मूल्याङ्कनबाटै नतिजा

Next article

You may also like