प्रमुख समाचारब्रेकिंग न्युजराजनीति

विवाद झनै बढेपछि नेकपा स्थायी कमिटि बैठक असार २२ गतेसम्मका लागि स्थगित

0

काठमाडौं । नेकपामा विवाद झनै बढेपछि अन्तिम समयमा आएर नेकपा स्थायी कमिटि बैठक स्थगित भएको छ । सत्तारुढ नेकपाको स्थायी कमिटि बैठक असार २२ गते सम्मका लागि स्थगित भएको हो । शनिबार बिहान ११ बजे बस्ने भनिएको बैठक २२ गते सम्मका लागि स्थगित गरिएको हो । प्रधानमन्त्री तथा पार्टी अध्यक्षबाट केपी शर्मा ओलीले राजीनामा दिनुपर्ने मागमा अडिग रहेका पार्टीका अर्का अध्यक्ष पुष्पकमल दाहाल प्रचण्ड र नेता माधवकुमार नेपाल पक्ष तथा दुवै पद नछोड्ने ओलीको अडानका कारण नेकपा लगभग ‘फुट’ को संघारमा पुगेको छ ।

सहमतिका लागि शुक्रबार दुबै अध्यक्षलाई छलफलका लागि जिम्मेवारी दिएपनि कुनै सहमति जुट्न सकेन । पार्टीका दोस्रो पुस्ताका नेताहरु कुनै पनि हालमा दुई अध्यक्ष मिल्नु र पार्टी एकतालाई जोगाउनुको विकल्प नरहेको भन्दै पहल जुटेपनि शीर्ष तहमा कुनै सकरात्मक निर्णय भएको छैन् ।

समस्या समाधानका लागि शुक्रबार ओली र प्रचण्डबिच लामो छलफल भएको थियो । सो छलफलमा दुवैले आफ्नो कुरा खुलस्त रुपमा राखेको सहभागी नेताहरुले बताएका थिए । ओली–प्रचण्डको सो छलफलमा ओलीले आत्मालोचना गरी गएको मंसिर ४ गते भएको सहमति अनुसार अघि बढ्ने प्रारम्भीक सहमति बनेको छ । स्थायी कमिटिमा अल्पमतमा परेका ओलीले कुनै पनि हालतमा पद नछोड्ने भए पनि प्रचण्ड–नेपाल पक्षले अरु विकल्पहरुमा पनि छलफल गरिरहेका छन् ।

कोरोनाबाट मृत्यु हुनेको संख्या ३३ पुग्यो, गोरखामा एक जनाको मृत्यु

Previous article

मन्त्रीहरुलाई प्रधानमन्त्रीको नयाँ ब्रिफिङः राष्ट्रपति हटाउन खोजियो

Next article

You may also like