प्रमुख समाचारब्रेकिंग न्युजराजनीतिसमाचार

स्थानीय तहका जनप्रतिनिधिको सामाजिक सञ्जालमा कटाक्ष

0

काठमाडौं । देश संघीयतामा गएपछि राजनीतिक दलका नेताहरुकै भाषामा यतिबेला गाउँ गाउँमा सिंहदरबार पुगेको छ । तर, जनतालाई घरदैलोमै सेवा दिन बनेका अधिकांश सिंहदरबारका नेतृत्वकर्ताका कारण जनताले सेवाभन्दा सास्ती खेपिरहेका छन् । जनप्रतिनिधि सेबक नभई शासक बन्ने होडमा लागेका कारण पटक–पटक आलोचित बनिरहेका छन् । धनुषाको जनकपुरधाम उपमहानगरपालिकाको पाँचौ नगरसभामा विवादले उग्ररुप लिएपछि नाराबाजी नै चलेको भिडियो सामाजिक सञ्जालमा भाइरल भइरहेको छ । बोर्ड बैठकको म्याइनुट नै असन्तुष्टहरुले च्यातेपछि उपमहानगरपालिकामा तनाव भएको थियो ।

त्यस्तै, नुवाकोट शिबपुरी गाउँपालिको गाउँसभामा देखिएको यो अर्को दृश्यले सामाजिक सञ्जालमा चर्चा पाएको छ । जहाँ छैटौं गाउँसभामा दलीय कुरा नमिल्दा यसरी चर्काचर्की नै परेको थियो । गाउँको विकासका लागि छलफल र सम्वादबाट टुङग्याउनुपर्ने बिषय राजनीतिक भागबण्डा र बजेट नपरेको बिषयले यस्तो चर्तिकला देखाउनु जनप्रतिनिधिमाथी नै प्रश्न हो । अछामको मंगलसेन नगरपालिकाको पाँचौ नगरसभामा कर्मचारीलाई मेयरले बडिगार्ड राखेको फोटो सामाजिक सञ्जालमा भाइरस भएको छ ।
मंगलसेन नगरपालिका मात्रै होइन प्यूठान नगरपालिकाको सातौं नगरसभामा त झनै मेयर उपमेयरदेखि कर्मचारीसम्मले बडिगार्ड राखेको फोटाहरुमा पनि सबैले आलोचना गरिरहेका छन् ।
यी सामाजिक सञ्जालमा देखिएका दृश्य र फोटोले देखाउछ जनप्रतिनिधिमा कति दम्भ र शासक बन्ने होड छ भन्ने । जनप्रतिनिधि शासक होइनन् सेवक हुन् भन्ने जति नारा लगाएपनि आखिर जनप्रतिनिधि राजा महाराजा र उही हुकुमे शैलीमा चल्न चाहिरहेका छन् त्यो नै दुर्भाग्य हो ।

नेकपा स्थायी कमिटी बैठक १६ गतेसम्मका लागि सर्यो

Previous article

मतलव छैन् कोरोना भाइरसको, राजधानीमा हेलचेक्र्याई बढ्दै

Next article

You may also like