प्रमुख समाचारब्रेकिंग न्युजसमाचारस्वास्थ्य

स्वास्थ्य मन्त्रालय भन्छः भदौसम्म ३९ हजार कोरोना संक्रमित पुग्न सक्ने

0

काठमाडौं । नेपालमा दैनिक कोरोना संक्रमितको संख्या ह्वात्तै बढ्दै गएका बेला स्वास्थ्य तथा जनसंख्या मन्त्रालयले डरलाग्दो तथ्यांक अनुमान गरेको छ । नेपालमा कोरोना भाइरसले महामारीको रुप लिए आगामी भदौ पहिलो सातासम्म ३९ हजार संक्रमित पुग्ने सक्ने आंकलन मन्त्रालयले गरेको हो । मन्त्रालयमा गरिएको पत्रकार सम्मेलनमा साउन अन्तिम सातादेखि भदौको पहिलो साता कोरोना संक्रमिण उच्च विन्दुमा पुग्न सक्ने सरकाररी विश्लेषण छ । सो समयसम्म नेपालमा ३९ हजार संक्रमित हुनसक्ने भन्दै स्वास्थ्य सामाग्री र अस्पतालहरुको व्यवस्थापन गर्न लागिएको मन्त्रालयले जनाएको छ । स्वास्थ्यमन्त्री भानुभक्त ढकालले विज्ञहरुको भनाइमा एकदमै खराब अवस्था आयो भने ३९ हजारसम्म संक्रमित संख्या पुग्ने अनुमान गरिएको बताएका हुन् ।

कोरोना संक्रमितको संख्यालाई १५ हजारभित्र समिति राख्न सकिन्छ भन्ने रणनीति अनुसार काम गरेको भएपनि त्यो बढ्ने देखिएको मन्त्री ढकालले जनाकारी दिए । अहिले कोरोना पहिचान भएका अधिकांश कोरोना संक्रमित क्वारेन्टिनमा छन् । तर, पछिल्लो समय क्वारेन्टिन स्थलहरु नै कोरोना सार्ने अखडा बन्न थालेको र त्यहाँ भएकाहरुलाई आरडीटी गरेर घर पठाउँदा संक्रमण समुदायमा पुग्न सक्ने खतरा कायमै छ ।

साथै ट्राभल हिस्टी नभएकाहरुमा पनि संक्रमण देखिन थालेको छ । कतिपयमा मृत्यु भइसकेपछि मात्र कोरोना संक्रमण पुष्टि भएका छन् । भदौ पहिलो सातासम्म ३० हजारसम्म सङ्क्रमित हुने आंकलन गरेर पूर्व तयारी थालेको छ । संक्रमित हुँदा थप हुँदा चाहिनसक्ने सघन उपचार कक्ष आईसीयू र भेन्टिलेटर लगभग तयार छ । अहिले एक हजार भेन्टिलेटर र १ हजार८ सय आईसीयू छन् । अव दैनिक १० हजार पिसिआर परिक्षण गर्ने तयारी पनि मन्त्रालयले गरिरहेको छ ।

पहिलो महिला क्याम्पस प्रमुख जोशीको निधन

Previous article

कोरोना जित्ने उत्तम उपाय औषधीय गुणयुक्त आहार, व्यायाम र उच्च मनोस्वास्थ्यः प्रधानमन्त्री

Next article

You may also like