मंगलबार थप ३८० जनामा कोरोना पुष्टि, संक्रमितको संख्या ६५९१ पुग्यो

काठमाडौं । नेपालमा मंगलबार एकै दिन ३ सय ८० जना कोरोना संक्रमित थपिएका छन्। स्वास्थ्य मन्त्रालयका प्रवक्ता डाक्टर जागेश्वर गौतमले विभिन्न जिललाका गरी ३ सय ८० जना नयाँ संक्रमित थपिएको जानकारी दिए । यो सँगै नेपालमा संक्रमितको संख्या ६ हजार ५ सय ९१ पुगेको छ।

उनीहरु मध्ये ४ सय ९९ जना महिला र ६ हजार ९२ जना पुरुष रहेका छन्। पछिल्लो चौबिस घण्टामा १ सय ९ जना पुरुष र ८ महिला गरी १ सय १७ जना अस्पतालबाट डिस्चार्ज भएका छन्। योसंगै नेपालमा उपचारपछि निको हुनेको संख्या १ हजार १ सय ८५ पुगेको छ । हालसम्म १ लाख ३३ हजार ९ जना क्वारेन्टाइनमा रहेका छन् । ७३ जिल्लामा कोरोना भाइरस फैलिदा नेपालमा १९ जनाले कोरोनाकै कारण ज्यान गुमाएका छन् ।