जनगुनासोदेश/दुनियाँप्रमुख समाचारब्रेकिंग न्युजसमाचार

काठमाडौंमा रेडियो मार्फत पढाउन कति सम्भव होला ?

0

काठमाडौं । काठमाडौं महानगरपालिकाले महानगर क्षेत्रको पठन पाठन रेडियोमार्फत गर्ने तयारी गरेको छ । महागरपालिकाले आइतबार सूचना जारी गर्दै कक्षा १ देखि १० सम्म रेडियोबाट पढार्इ शुरु गर्नेगरी तयारी अन्तिम चरणमा पुगेको जानकारी दिएको हो । जेठ २७ गते मंगलबारदेखि मेट्रो एफएममार्फत कक्षा संञ्चालन हुने भन्दै तयारी अवस्थामा रहने विद्यार्थीलाई भनिएको छ । विद्यार्थी तथा अभिभावकहरुलाई जानकारीको लागि सुचना जारी गरेको महानगरले शिक्षकहरुलाई सहयोग गरिदिन समेत सबै माझ अनुरोध गरिएको छ । रेडियो तथा टेलिभिजनबाट कोरोना महामारीको समयमा शिक्षण सिकाई गरिने गरी तयार भैरहदा यो सिकाई सबैको पहुँचमा पुग्ने सम्भावना देखिदैन ।

शिक्षाविद् मनप्रसाद वाग्नेले यस्तो शिकाईले शिक्षामा बिभेद निम्तिन सक्नेतर्फ सरकार तथा सरोकारवालालाई सचेत गाराउँदै आएका छन् । इन्टरनेट, मोवाई, रेडियो, टेलिभिजन के कति घरपरिवार र विद्यार्थीको पहुँचमा छ भन्ने एकिन नै नगरी हचुवाको भरमा निर्णय गरिदा विद्यार्थीको मनोबल गिर्ने तथा शिक्षण सिकाईको गुणस्तर कायम गर्न नसकिने उनी बताउछन् । अझ रेडियोबाट त अडियो सामाग्रीको मात्रै सुविधा हुने भएकाले विद्यार्थीहरुले सिकाइएका कुरा ग्रहण गरे नगरेको, उनीहरुले सिकाई अभ्यासमा कतिको ध्यान दिन्छन भन्ने जान्न नै गाह्रो हुन्छ । अनलाईन, रेडियो, टेलिभिजनबाट कक्षा सञ्चालनका लागि विद्यार्थीहरुको पहुँच, सिकाईको लागि तयार भए नभएको मानसिक अवस्था सबै कुराको ख्याल गर्नुपर्ने कतिपय विज्ञहरुको मत छ । पर्याप्त तयारी, योजना र सिकाईको प्रभावकारीताको अध्ययन गरेर मात्रै लकडाउनको शैक्षिक गतिबिधि अघि बढाउनुपर्ने सुझाब आइरहँदा सरकार र विद्यालयहरु कसरी बढ्छन, यो भने अहिलेनै यसै भन्ने अवस्था छैन । कसरी पढाउने भन्ने छलफल जारी रहँदा महानगर भने रेडियोबाटे पढाउने भन्दै सूचना जारी गरेको छ ।

स्याङजाका कोरोना संक्रमितको पोखरामा मृत्यु

Previous article

सोमबार ३१४ जना संक्रमित भेटिए, संक्रमितको संख्या ४ हजार नजिक

Next article

You may also like