प्रमुख समाचारब्रेकिंग न्युजराजनीतिसमाचारस्वास्थ्य

लकडाउनको मोडालिटी बनाउने जिम्मा उच्चस्तरीय समितिलाई

0

काठमाडौं । सरकारले लकडाउनको मोडालिटी तयार पार्ने जिम्मा कोरोना संक्रमण रोकथाम तथा नियन्त्रण उच्चस्तरीय समन्वय समितिलाई दिएको छ । उच्चस्तरीय समितिले लकडाउनको मोडालिटीका विषयमा सरोकारवाला निकायसँग छलफल जारी राखेकाले आजको मन्त्रिपरिषद बैठकले लकडाउन मोडालिटी तयार पार्ने जिम्मा समितिलाई दिएको हो ।

समितले तयार पारेको मोडालिटी अनुसार आइतबार पुन बस्ने मन्त्रिपरिषद बैठकले लकडाउनबारे निर्णय लिइनेछ । उच्चस्तरीय समन्वय समितिले विभिन्न क्षेत्रका सरोकारवालसँग छलफल जारी राखेको छ । मंगलबार उद्योगी व्यवसायीसँग छलफल गरेको समितिले बिहीबार शिक्षा क्षेत्रसँग सम्बन्धित सरोकारावालासँग परामर्श गरेको थियो । बैठकमा प्याब्सन, एनप्याब्सन, हिसान लगायतका प्रतिनिधि थिए । केही दिनयता व्यवसायीहरुले व्यवसाय सञ्चालन गर्न दिन माग गर्दै नदिए अवज्ञा गर्ने चेतावनी दिएपछि आज यस विषयमा मन्त्रिपरिषद बैठकमा छलफल भएको हो ।
लकडाउन खुकुलो बनाउन चौतर्फी दवाव
काठमाडौं उपत्यकाका ३ वटै जिल्ला प्रशासन कार्यालयले काठमाडौं उपत्यकामा लकडाउन खुकुलो बनाउने निर्णय उच्चस्तरीय समितिमा सिफारिस गरेका छन् । काठमाडौं, ललितपुर र भक्तपुरका प्रमुख जिल्ला अधिकारी र ब्यवसायीहरूबीच भएको छलफलमा यस्तो सिफारिस गर्ने निर्णय गरिएको हो ।

करिव साँढे दुई महिना लामो लकडाउनले जनजिवन कष्ठकर भएको भन्दै व्यापारीहरुले प्रमुख जिल्ला अधिकारीसँग ब्यवसाय खोल्ने वातावरण मिलाइदिन आग्रह गरेका थिए । छलफलपछि विद्यालयरविश्वविद्यालय, सिनेमा हल, पार्टी प्यालेस, हवाई सेवा, सभा र सम्मेलन जस्ता क्षेत्रलाई पूर्ण रुपमा नियन्त्रण गरी अन्यलाई स्वास्थ्य सावधानी अपनाएर सञ्चालन गर्नु दिनु पर्ने निर्णय भएको छ । चैत ११ गतेदेखि लगाइएको लकडाउनका कारण अत्यावश्यक सेवा बाहेकका उद्योग र कलकारखाना तथा बजार पूर्ण रुपमा ठप्प छन् । जसका कारण सर्वसाधारणको रोजीरोटीदेखि ज्यालादारी मजदुर तथा स्वयं उद्योग र कलकारखाना सञ्चालक पनि यसको मारमा परेका छन् । प्रशासनले लकडाउनको विकल्प नखोजे अवज्ञा गरेर एकतर्फी व्यवसाय चलाउने चेतावनी व्यवसायीले दिएपछि प्रशासन बाध्य भएर लकडाउनलाई खुकुलो बनाउने निष्कर्षमा पुगेको हो ।

एकैदिन ३३४ जनामा कोरोना पोजेटिभ, संक्रमितको संख्या २६ सय ३४ पुग्यो

Previous article

कोरोनाबाट मृत्यु हुनेको संख्या ११ पुग्यो, सुर्खेतमा मृत्यु भएका युवकमा कोरोना पोजेटिभ

Next article

You may also like