प्रमुख समाचारब्रेकिंग न्युजराजनीतिसमाचार

संसदमा संविधान संशोधन प्रस्ताव पेश

0

काठमाडौं । नेपालको संविधान दोस्रो संशोधन विधेयक प्रतिनिधिसभामा पेश भएको छ । कानुन न्याय तथा संसदीय मामिला मन्त्री शिवमाया तुम्बाहाम्फेले संसदमा विधेयक पेश गरेकी हुन् । गत बुधबार सो प्रस्ताव प्रस्तुत हुने भनिएपनि अन्तिम समयमा आएर रोकिएको थियो ।
प्रमुख प्रतिपक्षी दल नेपाली कांग्रेसले केन्द्रीय कार्यसमिति बैठकबाट निर्णय गर्न थप समय मागेपछि रोकिएको थियो । कांग्रेसको केन्द्रीय कार्यसमितिले शनिबार संविधान संशोधनको पक्षमा मतदान गर्ने निर्णय गरेपछि संसदमा पेश गरिएको हो । सरकारले यही जेठ ९ गते संविधानको अनुसूची ३ मा रहेको नेपालको नक्सामा लिम्पियाधुरासहित समेटिने गरी संशोधन प्रस्ताव दर्ता गरेको थियो ।
भारतले अतिक्रमण गरेको लिम्पिायधुरा, कुटी, गुञ्जी, नावी, कालापानीसहितको भूभाग समेटेर राजनीतिक र प्रशासनिक नक्सा सार्वजनिक गरेपछि सरकारले संविधानको अनुसूची पनि संशोधन गर्ने प्रक्रिया अघि बढाउन लागिएको हो ।

बजेटको १६६ नम्बर बुँदा, सामुदायिक तथा सरकारी विद्यालयलाई नीजि विद्यालयको अधिनमा राख्ने षड्यन्त्र

Previous article

रगत अभाव टार्दै सहकारी सञ्चालक, समाज सेवामा नमस्ते बचत तथा ऋण सहकारी

Next article

You may also like