देश/दुनियाँप्रमुख समाचारब्रेकिंग न्युजराजनीतिसमाचार

डिल्लीबजार कारागारमा कैदी बन्दीबीच कुटाकुट, ३ जना घाइते

0

काठमाडौं । काठमाडौंको डिल्लीबजार कारागारमा कैदीबन्दीबीच कुटाकुट भएको छ । नाइके परिवर्तन गर्नुपपर्ने माग गर्दे आन्दोलन भइरहेको बेला कैदीबन्दीबीच कुटाकुट भएको हो । कुटाकुट हुँदा तीन जना घाइते भएका छन् । एक जनालाई भने अस्पताल लगिएको छ । घाइते भएका शमशेर तामाङ जबरजस्ती करणी मुद्दाका कैदी हुन् । कारागार भित्र रहेको एक ब्लकका नाइके गोकुल गिरीले अन्य कैदीबन्दी माथि अन्याय गरेको भन्दै नाइके परिवर्तन गर्न माग गर्दै कैदीबन्दी बीच आन्दोलन भएको थियो । आन्दोलनमा गिरी पक्षधर र अन्य कैदी बन्दीबीच झडप भएको बताइएको छ । गोकुल गिरी उपेन्द्र देवकोटाकी छोरी अपहरण गर्ने व्यक्ति हुन् । उनलाई १० वर्षको जेल सजाय तोकिएको थियो, जसमध्ये ८ वर्षको कैद भुक्तान गरिसकेका छन् ।

कारागारभित्रै हाल नाइके रहेका गोकुल गिरीले क्यान्टिन समेत चलाएका थिए । क्यान्टिन चलाए पनि अहिले बाहिरबाट मानिसहरु जान नपाएको र उनीहरुले भित्रै गरेको कामबाट पनि पैसा नआएकाले क्यान्टिनमा खान नपाएपछि कैदीहरूले आन्दोलन गरेका थिए । नाइके गिरीले क्यान्टिनबाट उधारो दिन नसक्ने भन्दै उधारो बन्द गरेपछि कैदी बन्दीहरुले खाजा खान नपाएको कारागारमा कार्यरत एक कर्मचारीले बताए । क्यान्टिनबाट खाजा खान नपाएपछि उधारोमै खान पाउनुपर्ने माग उनीहरुले गरेका थिए । नाइके गिरीले उधारो बन्द गर्दै कैदी बन्दीमाथि कुटपिट तथा अत्याचार गर्ने गरेपछि झडपको स्थिति आएको बताइएको छ ।

आजै थपिए ६८ कोरोना संक्रमितः संख्या पुग्यो ५८४

Previous article

सबैलाई छक्क पार्दै बढिरहेछ कोरोना संक्रमण, एक सातामा यसरी बढे कोरोना संक्रमित

Next article

You may also like