कोरोना संक्रमितको संख्या ३ सय नाघ्यो

काठमाडौं ५ जेठ । नेपालमा थप ९ जना कोरोना संक्रमित थपिएका छन् । रौतहटका ८ र बाराका १ जनामा कोरोना पुष्टि भएको स्वास्थ्य तथा जनसंख्या मन्त्रालयले जनाएको छ । रौतहटको इशनाथ नगरपालिका वडा नम्बर २,३, ६ र ९ निवासी २१, २१, २३, २५, २५, २९ र ३० वर्षीय पुरुष तथा रौतहटकै माधव नारायण नगरपालिका ३ की २८ वर्षीया महिलामा कोरोना संक्रमण पुष्टि भएको हो । बाराको करैयामाई– ५ निवासी ३८ वर्षीय पुरुषमा पनि कोरोना पोजेटिभ देखिएको छ । योसँगै नेपालमा कोरोना संक्रमितको संख्या ३ सय ४ पुगेको छ। हालसम्म नेपालमा उपचारपछि निको भएर ३६ जना घर फर्किएका छन् भने कोरोनाकै कारण २ जनाले ज्यान गुमाएका छन् ।