काठमाडौंमा पनि थपिदैं कोरोना संक्रमित, संक्रमितको संख्या २४५ पुग्यो

काठमाडौं १ जेठ । थप सर्तकता नअपनाउँदा काठमाडौं उपत्यकामा कोरोना संक्रमित थपिन थालेका छन् । काठमाडौँको चन्द्रागिरीका ३२ वर्षे पुरुषमा कोरोना संक्रमित भएको छ । बुधबार पनि एक काठमाडौं र भक्तपुरमा एक जना कोरोना संक्रमित भेटिएका थिए । बिहिबार बिहानै थप दुई जनामा कोरोना भाइरसको संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । यो सँगै नेपालमा कुल संक्रमितको संख्या २४५ पुगेको छ। मन्त्रालयका सह–प्रवक्ता डाक्टर समिरकुमार अधिकारीका अनुसार काठमाडौँ एक जना र कपिलवस्तुकी ६ वर्षकी बालिकामा जनामा कोरोना पोजेटिभ देखिएको हो । दुवै जनाको स्वास्थ्य अवस्था हाल सामान्य रहेको र उनीहरु स्वास्थ्यकर्मीको निगरानीमा रहेको मन्त्रालयले जनाएको छ ।