प्रमुख समाचारब्रेकिंग न्युजराजनीतिसमाचार

७ देखि १० दिन लकडाउन थप्न सिफारिस

0

काठमाडौं २३ बैशाख । कोरोना रोकथाम तथा नियन्त्रण उच्चस्तरीय समितिको बैठकले लकडाउनलाई निरन्तरता दिनुपर्ने निर्णय गरेको छ । चैत ११ गतेदेखि जारी रहेको लकडाउनलाई ७ देखि १० दिनसम्म अझै निरन्तरता दिनुपर्ने समितिले सरकारलाई सिफारिस गरेको हो । बैठकले सरकारले कोरोनाभाइरस संक्रमण रोक्न र शून्यमा झार्न सवै शक्ति परिचालन गर्नुपर्ने बताएको छ । कोही पनि व्यक्ति र नागरिक मुलुकमा कोरोनाबाट मृत्युबरण गर्न नपरोस् र थप संक्रमण फैलिन नपाओस भनी लकडाउनलाई निरन्तरता दिनुको बिकल्प नभएको बैठकले निष्कर्ष निकालेको छ । लकडाउन कति दिन थप्ने भन्ने निर्णय भोलिको मन्त्रिपरिषद बैठकले गर्नेछ । कतिपय जिल्लामा लकडाउन खुकुलो बनाउने प्रस्ताव पनि गरिएको छ । औषधि तथा खाद्य सामग्री ढुवानीका लागि भने सहज बनाउनुपर्ने छलफल पनि भएको छ । यद्यपी कुन जिल्लामा खुकुलो बनाउने हो वा मापदण्ड के हो भन्ने खुलाइएको छैन । थपिएको लकडाउनको म्याद २५ गतेराति १२ बजेदेखि सकिदैछ । पछिल्लो समय नेपालमा कोरोना संक्रमितको संख्या बढिरहेको छ । नेपालगञ्जमा मात्रै मंगलबार ७ जनामा कोरोना पोजेटिभ देखिएको छ । हालसम्म नेपालमा ८२ जनामा कोरोनाको संक्रमण पुष्टि भइसकेको छ भने १६ जना उपचारपछि निको भएर घर फर्किएका छन् ।

अब पास भएपनि काठमाडौं उपत्यका प्रबेश गर्न नपाइने

Previous article

सांसदलाई कोरोना परिक्षण गरेर मात्रै संसद भवनमा प्रबेश

Next article

You may also like