राष्ट्रपति भण्डारी र चिनियाँ राष्ट्रपति सीबीच टेलिफोनमा संवाद

काठमाडौं १६ बैशाख । राष्ट्रपति विद्यादेवी भण्डारी र चिनियाँ रास्ट्रपति सी चीन जिनपिङबीच टेलिफोन वार्ता भएको छ । नेकपामा कलह चुलिएका बेला चिनियाँ राष्ट्रपति सीले भण्डारीसँग वार्ता गरेका हुन । । चिनियाँ सरकारी समाचार एजेन्सी सिन्ह्ववाका अनुसार राष्ट्रपति सीले राष्ट्रपति भण्डारीसँग कोरोना भाइरसविरुद्धको लडाइँका लागि नेपाललाई आवश्यक सहयोग जारी राख्ने आश्वासन दिएका छन् । उनीहरुबीचको वार्तामा सीले दुई मुलुकहरूका स्वास्थ्य संस्थाहरुबीचको सम्पर्क र साझेदारी बलियो बनाउनेबारे जोड दिएका छन् । राष्ट्रपति भण्डारी र नेपालस्थित चिनियाँ राजदुत हाउ यान्छीसँग पनि भेट भएको थियो । राष्ट्रपति भण्डारीले एकाएक विदेशी राजदूतलाई भेट्नुलाई अर्थपुर्णरुपमा हेरिएको छ ।