प्रमुख समाचारब्रेकिंग न्युजराजनीति

सानेपामा प्रतिपक्ष दलहरुको बैठक

0

काठमाडौं १० बैशाख । सरकारले दुई अध्यादेश ल्याएपछि रुष्ट बनेका प्रतिपक्षी दलहरुको बैठक नेपाली कांग्रेसको पाटी कार्यालय सानेपामा बसिरहेको छ । प्रमुख प्रतिपक्ष कांग्रेसले सरकारले जारी गरेको दुई अध्यादेशका विषयमा समान धारणा तय गर्न बिभिन्न दलहरुसंग छलफल गर्न लागेको हो । छलफलमा प्रमुख प्रतिपक्षी दल नेपाली कांग्रेसका सभापति शेरबहादुर देउवासहित समाजवादी पार्टी नेपाल, राजपा र राप्रपाका शीर्ष नेताहरुको सहभागिता रहेको छ । नेताहरुले प्रधानमन्त्री केपी ओलीले दुई वटा अध्यादेश हतारमा ल्याएर राष्ट्रपतिबाट जारी गराउनु गम्भीर गल्ती भएको टिप्पणी गरेका छन् ।

नेकपा बाहेक अरु दलले अध्यादेश फिर्ता लिन माग गर्दै विरोध गर्दै आएका छन् । नेकपाभित्र पनि अध्यादेशप्रति तीव्र असन्तुष्टि देखिएको छ । सरकारले संवैधानिक परिषद सम्बन्धी ऐनमा विपक्षी दलको नेताविनै निर्णय गर्न सक्ने र राजनीतिक दल सम्बन्धी ऐनमा पार्टी विभाजनको प्रावधान खुकुलो बनाउने गरी अध्यादेश जारी गरेको थियो । अध्यादेशबारे प्रतिपक्ष मात्रै होइन नेकपाभित्रै बिवाद देखिएको छ ।

काठमाडौं उपत्यका छाड्नेको लर्को, भिडभाडले कोरोना जोखिम निम्त्याउँदै 

Previous article

अध्यादेशबारे बुझाउँदै प्रधानमन्त्री ओली

Next article

You may also like