प्रमुख समाचारब्रेकिंग न्युजसमाचार

काठमाडौं उपत्यका छाड्नेको लर्को, भिडभाडले कोरोना जोखिम निम्त्याउँदै 

0
काठमाडौं १० बैशाख । सरकारले कोरोना भाइरसको जोखिम कम गर्न लकडाउन गरेको एक महिना पूरा भएको छ । एक महिनादेखि सर्वसाधारण घरभित्रै बसिरहेका छन् । तर, लकडाउन कहिले खुल्ने भन्ने अन्यौलता देखिएपछि सर्वसाधारण काठमाडौं उपत्यका छोड्न दौडधुप गरिरहेका छन् ।
लकडाउन सुरु भएको केही दिन घरभित्रै बसेका काठमाडौं उपत्यका बाहिरका सर्वसाधारण पैदल यात्रा गरेरै घरपुग्न राजमार्गको बाटो तय गरे । बच्चा तथा झोला बोकेर राजमार्गमा हिडिरहेका दृश्यपछि बिभिन्न नाकामै सरकारको निर्देशनमा सुरक्षाकर्मी र स्थानीय तहले रोके । काठमाडौं उपत्यकामा मात्रै १२ लाख बढी परिवारलाई राहत बितरणको दाबी गर्ने स्थानीय तहलाई खानै नपाएको गुनासो गर्दे घर जान सडकमा निष्किएका सर्वसाधारणलाई जनप्रतिनिधिले नै सवारी साधानको जोहो गरी पठाउन थाले । त्यहि सुचना थाहा पाएपछि सर्वसाधारण हुलका हुल सडक तथा बिभिन्न चोेकमा जम्मा हुन थालेका छन् । लकडाउन लम्बिँदै जाँदा काठमाडौं उपत्यका छाड्नेको भीड यसरी नै लाग्न थालेको छ । हामी दुई दिन कोटेश्वर–जडीबुटी क्षेत्रमा पुग्दा विभिन्न जिल्लामा जाने यात्रुहरूको भीड नै थेगिनसक्कनुको थियो ।
अर्को नाका थानकोटमा पनि सर्वसाधारणको भिडभाड छ । उनीहरुको एउटै भनाई छ जसरी भएपनि हामीलाई घर पुर्याइदेउ । सरकारले देशभर लकडाउन गरेसँगै काठमाडौंमा समस्यामा परेका मजदुर लगायत मानिसहरू हिँडेरै घर जाने क्रम बढेको थियो । सवारीसाधनको व्यवस्था नहुँदा धेरै मानिस एक÷दुई सातासम्म लगातार पैदल हिँडेर घर पुगे । यसरी नागरिकले बेहोर्नुपरेको सास्तीप्रति सरकारले बेवास्ता गरेको भन्दै सर्वत्र आलोचना भएपछि सरकारले खुला रुपमा नभनेपनि स्थानीय तहसँगको समन्वयमा घर जान दिने केही लचिलो बनेको देखिन्छ । तर, सामाजिक दुरी कायम गर्नुपर्ने बेला देखिएको यो भिडभाडले कोरोनाको जोखिम निम्त्याइरहेको छ । घर जान गरिएको यो तछाड मछाडमा उनीहरुले कोरोनाको जोखिमको ख्यालै गरेको देखिदैन् । घर पठाउन पहल गर्ने जनप्रतिनिधि र जाने स्वयम् ब्यक्तीहरु पनि सजग र सर्तक नभए यो घर जानेहरुको लर्कोले कोरोना संक्रमणको खतरा ननिम्त्याउला भन्न सकिर्दैन् ।

विश्वभर कोरोना संक्रमितको संख्या २५ लाख ५५ हजार नाघ्यो

Previous article

सानेपामा प्रतिपक्ष दलहरुको बैठक

Next article

You may also like