विश्वभर कोरोना संक्रमणबाट मृत्यु हुनेको संख्या १ लाख १४ हजार नाघ्यो

काठमाडौं १ बैशाख । विश्वभर कोरोना संक्रमणबाट मृत्यु हुनेको संख्या १ लाख १४ हजार भन्दा बढी पुगेको छ । केहीबेर अघिसम्मको तथ्याङ्क अनुसार १८ लाख ५३ हजार भन्दा बढी संक्रमित भएका छन् । करिब ४ लाख २४ हजार उपचारपछि निको भएर घर फर्केका छन् । पछिल्लो २४ घण्टामा अमेरिकामा १ हजार ५ सय २८ जनाले ज्यान गुमाएका छन् भने बेलायतमा ७ सय ३७ जनाको मृत्यु भएको छ ।

यस्तै, सोही अवधिमा स्पेनमा ६ सय ३ जनाको मृत्यु भएको छ भने फ्रान्समा ५ सय ६१ जनाले ज्यान गुमाएका छन् । यस्तै, सोही अवधिमा इटालीमा ४ सय ३१ जनाको मृत्यु भएको छ भने बेल्जियममा २ सय ५४ र जर्मनीमा १ सय ५१ जनाको मृत्यु भएको छ ।