देश/दुनियाँप्रमुख समाचारब्रेकिंग न्युज

टी–२० विश्वकप छनोटमा नेपालको पहिलो जित ज्ञानेन्द्रको कीर्तिमान

0

काठमाडौं ८ साउन । टी–२० विश्वकप छनोटमा नेपालले पहिलो पटक जित हात पारेको छ । ज्ञानेन्द्र मल्लको चमत्कारिक ब्याटिङसँगै नेपालले मलेसियालाई ७ विकेटले हराएर जित हात पारेको हो । वर्षाका कारण ९ ओभरमा छोट्याइएको खेलमा मलेसियाले दिएको ८४ रनको लक्ष्य नेपालले ६ बल बाँकी छँदा ३ विकेट गुमाएर भेटाएको थियो । नेपालका मल्लले अर्धशतक बनाए । आक्रामक पारी खेलेका उनले २१ बलको सामना गरेका उनले ५ चौका र ३ छक्काको मदतमा ५१ रन बनाएका हुन् । यसअघि टस हारेर ब्यटिङको निम्तो पाएको मलेसियाले ९ ओभरमा ७ विकेट गुमाएर ८३ रन बनाएको थियो । उसका सफिक शरीफले १५ बलमा ३० रन बनाए भने भिरनदीप सिंहले २१ रन जोडे पनि अन्य ब्याट्सम्यान चलेनन् । सोमपाल कामीले ३ विकेट लिए भने बसन्त रेग्मीले २ विकेट आफ्नो नाममा लेखाए ।

रुस र चीनको संयुक्त हवाई गस्तीमा जापान र कोरियाको विरोध

Previous article

योगेश भट्टराईले दिए नेतृत्वलाई पाँच सुझाब

Next article

You may also like