पौडी खेल्ने क्रममा डुबेर तीन जनाको मृत्यु

कपिलबस्तु ३ असार । कपिलवस्तुको शिवराज नगरपालिकामा पौडी खेल्ने क्रममा तीन जनाको ज्यान गएको छ । मंगलबार दिउँसो पौडी खेल्नेक्रममा हल्लानगरस्थित सुरई नदीको रहमा डुबेर तीन जनाको मृत्यु भएको हो । मृत्यु हुनेहरुमा बिजयनगर गाउँपालिका अन्दाजी १७ बर्षका आशिष भट्टराई, सोही ठाउँका १८ बर्षीय सुमित सुनार र सोही ठाउँकै १७ बर्षीय निरन्जन भुसाल रहेको जिल्ला प्रहरी कार्यालय कपिलवस्तुले जनाएको छ । पौडी खेल्नका लागि चार जना गएपनि एक जना सकुशल रहेको प्रहरीले जनाएको छ ।