प्रमुख समाचारब्रेकिंग न्युजराजनीति

बिप्लवले निकाले बिज्ञप्ती, काठमाडौंमा बम विष्फोटबारे जानकारी

0

काठमाडौं १३ जेठ । नेत्रविक्रम चन्द विप्लव नेतृत्वको नेकपाले आइतबार काठमाडौंमा भएको बम विष्फोटमा परेर आफ्ना ४ जना नेता कार्यकर्ताको निधन भएको स्वीकारेको छ । सोमबार पार्टी महासचिव विप्लवले विज्ञप्ति जारी गरी घटनामा ४ जनाको निधन भएको स्वीकार गरेका हुन् । विज्ञप्तिमा विष्फोटमा परेर पार्टी जनमुक्ति सेना र जवसका कमाण्डर महान, पार्टी कार्यकर्ता दीपेन्द्र, प्रज्वल शाही र निरन्तरको निधन भएको जानकारी गराइएको छ । महासचिव विप्लवले यो घटना हुनुमा मुख्य दोषी केपी सरकार र उसको फाँसीवादी दमन मुख्य कारण रहेको आरोप लगाएको छ । विज्ञप्तिमा सोमबार आह्वान गरिएको नेपाल बन्द पूर्ण रुपमा सफल भएको दाबी गरिएको छ । विज्ञप्तिमा राज्य आतंक, जनदमन र राष्ट्रघातका विरुद्ध सम्पूर्ण कम्युनिष्ट क्रान्तिकारीहरु, देशभक्त र लोकतान्त्रिक शक्तिहरुलाई एकताबद्ध भएर संघर्षमा अघि बढ्न विशेष आह्वान समेत गरिएको छ । सो पार्टीले गत जेठ ७ गते भोजपुर र खोटाङको सीमानामा पार्टी सदस्य तिर्थराज घिमिरेको हत्याको विरोधमा सोमबार नेपाल बन्दको आह्वान गरेको थियो । बन्दका कारण जनजीवन प्रभावित भएको थियो ।

प्रचण्ड पनि सरकारले ल्याएको मिडिया काउन्सिल विधेयकको पक्षमा

Previous article

प्रधानमन्त्री ओली भारतीय समकक्षी मोदीलाई बधाई दिन बिहिबार भारत जाने

Next article

You may also like