प्रमुख समाचारब्रेकिंग न्युज

लिवियाबाट १५ नेपालीको उद्धार, स्वदेश फर्काउने तयारी

0

काठमाडौं ६ जेठ । अबैध रुपमा काममा लागि लिबिया पुगेका १५ जना नेपालीको उद्धार गरिएको छ । रोजगारीको आश्वासन दिएर अवैध रुपमा लिविया पुर्‍याइएका १५ नेपालीको ट्रिपोलीबाट उद्धार गरिएको हो । डर त्रासमा काम लगाइएको र नेपाल फर्कन खोज्दा पनि राहदानी नदिएका कामदारहरूलाई उद्धार गरेर अन्तराष्ट्रिय श्रम संगठन आइओएममा राखिएको कायरोस्थित नेपाली दूतावासले जनाएको छ । पूर्णबहादुर गुरुङ, गणेश थापा मगर, अमृत गुरुङ, भुवन आचार्य, सनम विश्वकर्मा, बुद्धिबहादुर क्षेत्री अधिकारी, कृष्ण कोइराला, राजु विश्वकर्मा, गुप्तबहादुर बिक, राजु विष्ट, शेखर खरेल, जयराम धामी, प्रकाश विश्वकर्मा, अजयकुमार चौधरी र मनोहर कार्कीको उद्धार गरिएको हो । सबै कामदारलाई शरण दिइरहेको आइओएमले नै नेपाल फर्कने हवाई टिकटको ब्यवस्था पनि मिलाएको छ । दुईसाता अघि पनि दूतावासले सात जनालाई उद्धार गरेको थियो ।

बलात्कार गर्ने प्रहरीलाई कारवाहीको माग

Previous article

काठमाडौको टोखामा गोली चल्यो, डाँका काले पक्राउ

Next article

You may also like