देश/दुनियाँप्रमुख समाचारब्रेकिंग न्युज

जन्ती जीप दुर्घटना पाँच जनाको मृत्यु

0

पाल्पा १६ बैशाख । जिल्लाको निस्दी गाउँपालिका–७, ज्यामिरेको चारघरेमा जन्ती जीप दुर्घटना हुँदा ५ जनाको मृत्यु भएको छ। निस्दी गाउँपालिका ४ मित्याल भीरपानीबाट ज्यामिरेको हुवास जाँदै गर्दा लु १ ज १९४१ नम्बरको जीप भीरबाट खसेको हो। दुर्घटनामा ज्यामिरे हुवासका दुई, चारघरेका दुई र चालकसमेतको मृत्यु भएको छ । दुर्घटनामा सोही जीपका चालक बुद्धिबल थापा, चारघरेका ५२ वर्षीय खडगबहादुर सोमी र ५० वर्षीय देवीलाल खन्गाहा, हुवासका ४६ वर्षीया लालबहादुर सारु र ५० बर्षीय सन्तबहादुर सारुको पनि मुत्यु भएको छ । दुर्घटनास्थल तानसेनबाट झण्डै ६० किलोमिटर पूर्वमा पर्छ। स्थानीय लालबहादुर बयम्बुका अनुसार दुर्घटनाग्रस्त जीप सडकबाट झण्डै ५ सय मिटर तल पुगेको छ । दुर्घटना के कति कारणले भयो भन्ने थाहा हुन नसकेको प्रहरीले जनाएको छ। जीप बिहेका लागि निस्दीको मित्याल भीरपानीमा दुलाहादुलही छाडेर हुवास फर्कने क्रममा दुर्घटना भएको हो।

खुल्ला मञ्चका ५२ सटर महानगरले भत्कायो

Previous article

राष्ट्रपति भण्डारीले दिइन चिनियाँ राष्ट्रपतिलाई नेपाल भ्रमणको निम्तो

Next article

You may also like